تەقیان کەشتییگ هەڵگر غاز شل لە تەنگەی هورمز
شەفەق نیوز - تاران
هێزەیل دەریایی لە سوپای پاسدارەیل ئیرانی، رووژ جمعە، راگەیان لە وەرکەفتن کەشتییگ غازهەڵگر وە تەقینەوەیگ لە تەنگەی هورمز و هەڵسیان ئاگر لەناوی.
هێزەیل دەریایی وتن کە کەشتییەگە بار کریاۊد وە غاز سروشتی شل و وە مینیگ دەریایی و لە تەنگەی هورمز لە ماوەی دەریاوانیی لەڕی "رێڕەویگ رینەپیدریاگ و مەترسیدار" تەقیەسەو وەبی خستنەڕۊ هۊردەکارییەیل زیاتر.
میدیایەیل راگەیانن ئیرانی دۊکە پەنجشەممە دیاری کردن کە چوار کەشتی نەفتهەڵگر وەرکەفتنەسە تەقینەوەیل لە رێڕەو ئاوییە گرنگەگە ئەرا جۊلەی بارکردن جیهانی، وە زیایکردن ئەوەگ کە کەشتییەیلە هوشدارییەیلە پشتگووش خستنە و چگنەسە ناو ئەوەگ وە ناوچەیل قەیەغەکریاگ لە رێڕەوە ئاوییەگە هەژماری کەن.
هێمان کەشتییە نەفتهەڵگرەیل رۊوەرۊی پەلامارەیل بوون لە تەنگەگە، سەرەڕای گلەوخواردن جۊلەی دەریاوانی و مەزەنەیل وە کەمەوکردن ئاڵۆزییەگە لە جەنگ ئەمریکی ئیسرائیلی لەبان ئیران، کە یەیش بۊە هووکار داوەزین نرخەیل نەفت.
وەپەی زانیارییەیل پەیمانگای واشنتۆن ئەرا سیاسەتەیل خوەرهەڵات نزیک، لای کەم دە کەشتی وەرکەفتنەسە پەلامارەیل لە ماوەی دە رووژ یەکەم لە تشرین دۊیەم/ نۆڤەمبەر ئیسە، لە وەرانوەر 37 پەلامار لە تشرین یەکەم/ ئۆکتۆبەر گوزەشتە، کە بەرزترین شمارەی مانگانە توومار کرد لە وەخت جەنگەگەو لە کۆتاییەیل شوبات/ فێبرایەر گوزەشتە.
