تڕامپ و هاوسەرەگەی تووش کۆڕۆنا هاتن
2020-10-02T07:08:06+00:00
شەفەق نیوز/ دۆناڵد تڕامپ سەرۆک ئەمریکا، ئمڕوو جمعە، راگەیان تووشهاتن خوەی و میلانیای هاوسەرەی وە پەتای کۆڕۆنا، دویای ئەوەگ کەفتە تاقیکردنەوە و دەرکەفت ک هەڵگر ڤایڕۆسەگەس.
تڕامپ لەبان ''تویتەر'' ئمڕوو نووسان: تووشهاتن خوەم وهاوسەرەگەم وە ڤایڕۆس کۆڕۆنا چەسپیا، وئەوەسا دەسکەیمنە کەرەنتین و وەزوی خاسەوبویمن، ویەکەو ئەیە خەیمنە پشتسەر.
ماڵ چەرمگ وت: سەرۆک ئەمریکا ئەوەسا لە ئەرکەگانی وەردەوامبوود لە کەرنتین لەناو ماڵ چەرمگ.
تڕامپ لە تویتیگ وەرین دووپاتکرد لە تووشهاتن هۆپ هیکس یاوەری وە ڤایڕۆسەگە.
