تڕامپ: بەسانن نواگیری له پەتای کۆرۆنا ناكا
شەفەق نیوز/ دۆناڵد تڕامپ سەرۆک ئەمریکا، داواکاریەگان لە دووارەبەسانن وڵاتەگە رەتکرد، لەسای تووشهاتنە بەرزەگان وە ڤایڕس کۆرۆنا.
تڕامپ لە کۆنگرەی رۆژنامەوانی رووژانە لەباوەت گەشەکردن پەتای کۆرۆنا و تەقەلای نواگردن قەیرانەگە، وت: سیاسەت بەسانن هەمیشەیی لە نواگردن پەتاگە رییگ نیە بویەدەمان وەرەو نوا.
تڕامپ دیاری کرد ک ئەوەگ هیشتەی وڵاتەگە بکەێدەو، ئەوەسە ک بەساننەگە نوای پەتای ئایندە نێگرێد، وتیش دەوڵەتەیلیگ تر زیایبوین لە ژمارەی تووشهاتنەگان وەخوەیان دین تەنانەت دویای دووارە بەساننیش.
تڕامپ هەمیش وت: کەمەوبوینیگ لە ژمارەی تووشهاتنەگان لە بەشیگ لە ولایەتەگان دوینیمن، و ئاماژەدا ک ئیدارەگەی تەقەلای کەمکردن رێژەی مردنەگان کەێد لەری دابینکردن دەرمان.
تڕامپ پشتگیری خوەی دووپاتکرد ئەرا فرە لە کۆمپانیەگان ک هەوڵدەن بڕەسنە واکسینیگ دژوە ڤایڕۆس کۆرۆنا، وەتیش؛ کار کەیمن ئەرا وەدەسهاوردن واکسینەگە وە زوی وسەڵامەتی، و ئەوەسا رەسیمنە واکسینیگ، شایەت وەرجە کۆتایی ئی ساڵە، ودەسکەیمنە دروسکردنی وە بڕەیل فرەیگ تا وە شیوەی فراوانیگ دابەشی بکەیمن، دویای وەرگردن مووڵەت.
