تەڵا داوەزێد وەرد بەرزەوبوین دۆلار و چـەڕوی بڕیار سوود ئەمریکا

شەفەق نیوز- وەدویاچگن

نرخەیل تەڵا، ئمڕوو پەنجشەممە داوەزی، وە کارگەری بەرزەوبوین دۆلار ئەمریکی ئەرا ئاستەیلیگ کە نزیک بوی لە بەرزترین ئاست خوەی لە ماوەی مانگیگ، لەدویای دەرچگن داتایەیل هەڵاوسان ئەمریکی بەرزتر لە مەزەنەیل، کە ئەگەرەیل بەرزەوکردن نرخەیل سوود لە ماوەی مانگ ئایندە وەهێز کرد.

تەڵا لە مامڵەیل دەسوەجی وە رێژەی 0.2% داوەزی ئەرا 3979.09 دۆلار ئەرا ئۆنسەیگ، لە وەختیگ گرێبەستەیل ئەمریکی ئایندە رادەستکردن کانوون یەکەم وە رێژەی 0.4% داوەزی ئەرا 3984.50 دۆلار.

ئی داوەزیان کانزای وەنرخە وەرد بەرزەوبوون دۆلار هات، کە تەڵای نرخدارکریای وە پویل ئەمریکی گرانتر کرد ئەرا خاوەن دراوەیل تر، وەرد زیایبوون هەوەجەیل توندکردن سیاسەت نەختینەیی، چوینکە مەزەنەی مامڵەکارەیل ئاماژە ئەرا ئەگەر تەواو بەرزەوکردن سوود ئەمریکی لە کانوون یەکەم کەن.

لە بازاڕەیل کانزایەیل تر، نوقرە وە رێژەی 0.6% داوەزی ئەرا 51.40 دۆلار ئەرا ئۆنسەیگ، و پالادیۆم وە رێژەی 0.3% داوەزی ئەرا 1024.48 دۆلار ئەرا ئۆنسەیگ.