بايدن فەرماندەی ئۆپراسیۆنەیل فەلوجەئەرا ئیسرائیل کل کەێد
2023-10-27T08:36:23+00:00
شەفەق نیوز/ سوپای ئیسرائیل، پشبەسین وە پسپۆڕەیلیگ ئەمریکی راگەیان، کە ئەزموونیگ لە جەنگ عراق دیرن، تا وەرجە پەلامار هشکایی نزیک لەبان کەرت غەزە، سوود لە ئەزموونیان بگرن.
تووڕ سی ئێن ئێن خەوەری ئەمریکا ئاشکرا کرد کە ئیدارەی سەرۆک جۆ بایدن ژەنیڕاڵیگ لە پیادەی دەریاوانی کل کرد، ئەرا پیشکەشکردن راویژکاری وە سوپای ئیسرائیل لەباوەت پلاندانان ئەرا پەلامار چەوەڕیکریایی.
ئەو ژەنیڕاڵە، فەرماندەی وەرین فەرماندەیی ئۆپراسیۆنەیل تایبەت وە هیزەیل دەریاوانی ژەنیڕاڵ جەیمس گلین، کە ئەزموون گەورەیگ لە جەنگ ناو شارەیل لە عراق دیرێد، وەتایبەت لە فەلووجە، کە گلین بەشیگ لە خویناویترین جەنگەیل فەلوجە وەڕیەو برد، کە لەناوەین هیزەیل ئەمریکا و جەنگاوەرەیل عراق بوی.
وەگورەی سی ئێن ئێن، وەرپرسەیل سەربازی ئەمریکا تەقەلا دەن ئیسرائیل لە جەنگ ناو شوینەیل شارستانی دویر بخەن، کە هەکاتی جەنگەیل ئەمریکاس لە عراق.
