باڵیۆزیگ ئیرانی دویای دەرکەفتنی وەرد ژنیگ بی حیجاب لەکار دەرکریا
ئاژانسەگە وتیش: "بایەس بوی ڕێز لە ئەتەکێت ئیسلامی بگیریەێد"، وە لەوەرچەوگردن ئەوە کە چەوپیکەفتنە رووژنامەوانییەگە لەناو باڵیۆزخانەی ئیران لە باکۆ ئەنجامدریاس.
میدیایل نزیک لە حکومەت ئیران، دویای دەرکەفتن عەباس موسەوی باڵیۆز ئیران لە ئازەربایجان، دویای دەرکەفتنی لە ڤیدیۆیگ و بڵاوبوین وینەیلی وەرد رووژنامەنویسیگ ژن کە حیجاب نەپووشیە جویر لە یاسایل ڕژیم ئیران. دەرکەفتن کاروەدەسەیل ئیران لە شان ژنەیل بی حیجاب قەیەغەس و دەرکەفتن موسەوی وەی شیوە “سووکایەتیکردن وە بەهایل کۆمار ئیسلامی” تیەێد.
دویای بڵاوکردن ئی گرتە ڤیدیۆ، دەزگای تەسنیم کە نزیکە لە رژیم، وت: “ئەرک موسەوی لە باکۆ کۆتایی هاتگە”.
ئاژانس "تەسنیم" وتیش: وە لەبان ئەوەیش دیدارەگە لە ناو باڵیۆزخانەی ئیران لە باکۆ ئەنجامدریاس، "بایەسە ڕێز لە ئەتەکێت ئیسلامی بگیریەێد".
لە ڤیدیۆگە وینەیگ خومەینی و خامنەیی ، ڕببەر وەرین و ئیسە و ئیبراهیم ڕەئیسی، سەرۆک کۆمار کریاسە قەی دیوار و لە شان باڵیۆز عەباس موسەوی و کەسایەتی میدیایی ئازەربایجان، کە حیجاب نەپووشیە.
