بیسەروشوینی چەن کەسیگ لە ئاگر «دیکسی» لە ئەمریکا
شەفەق نیوز/ دەسەڵاتەیل کالیفۆرنیا راگەیانن پەنج کەس لەلای کەمەو لە سزیان دیکسی بیسەروشوین بوین، لەو ئاگرە ک تا ئیسە لە خوەرئاوای ئەمریکا هالە بڵویزە و فراوانی.
دیکسی سێیەم ئاگرە لە مێژوو کالیفۆرنیا، و ئی هەفتە رەسیە دوکان و ماڵەیلیگ لە شار گرینفیل بویچک لە ناوچەی کانیوندام.
تا ئیسە ئاگرەگە ١٨٠،٦٨٢ هکنار لە چوار کەرت ویران کردگە.
وەڕێۆبەرایەتی ئاگرکپەوکردن کالیفۆرنیا وت: تەنیا ٢١ لە ئاگرەگە کپەو کریاگە.
نووسینگەی عومدەی کەرت بلۆماس وت: پەنج کەس لەلای کەمەو مەزەنە کریەێد م بیسەروشوینن، و مینەکردنیان وەردەوامە، و وەرجەیە پەنج کەس بیسەروشوین تر پەیا کریان.
شەو چوارشەممە لەبان پەنجشەممەی گوزەیشتە، ئاگر (دیکسی) رەسیە گرینفل ک شمارەی دانیشتوەیلی رەسێدە نزیکەی ٨٠٠ کەس.
وەرجەیە گرینفیل کەفتە وەر کارەساتەیل فرەیگ، ک لە ساڵ ١٨٨١ ئاگر گەورەیگ بەش گەورەیگ لە شارەگە ویران کرد، و ل ماوەی ١٤٠ ساڵ ئاگرەیل فرەیگ هەڕەشەی دانیشتوەیلی دان.
