بیتکوین شوون مامر و پپسی گرت
شەفەق نیوز- ئی رووژەێلە، دە هەواڵەێڵ هەواڵنێرییەێلە و شەواچەێل مەجازی، خەوەرەێل فرەیێگ ددرێگە دەر دە بارەێ هماڵدارەکی ئێرانییەێل ئەڕا خەفانن هێڵ تەولیدات خوەیان و تەولید بیتکوین، وە هشارەکی.
وەێ تازەیەێلە دە کارخانە‌ێ نووشابەسازیێ دە شار قۆم، ک یە خەێلێگە خەڵەکە و بەسریاگە و چەنێگە ک چووڵەو کریاگە، دەم و دەزگاێ چاپ ئی جوور پوولە کریاگەسە دی و پولیس گشتێ زەفتەو کردگە. وەر ژە یەیش، لە سەرەێ سال تا ئێسە 650 ده‌زگاێ تر لەێ‌وا، هە دە قوم، کریانەسە دییەو.
دە شار رەێ ک قەور شاعەبدۆڵعەزیمیش هاتێ و ئێسە دی بەشێ لە تێهران گەورا هساو دبێ، پۆلیس شار رەێ، پانسەد ماینر ئستخراج بیتکوین کردگەسە دی.
پولیس، وانگ داگە: وەر ژە یەیش دە شاعەبۆڵعەزیم، سەد و پەنجا ماینر بیتکوین دە مرخ‌داریێگ کریاگەسە دی و زەفتەو کریانە.
وەێ‌جوورە بچووگە نوا، ئێران گشتێ دکرێگە بهێشت سازین ئی ئەرز دیجیتاڵە ک وتنە تا دە بیس ساڵێ تر شوون پوول راسکانی دگرێ.
بڕێ کەم بیین بەرق دە ئێران، وە خاتر بڕیانێ وە تەولید بەڕانی بیتکوین ک بەرق فرەیێگ بەترەف دکەێ، دزانن.
بیتکوین دە ئێران، هێمان گەڕانی دسازرێگ و سازێنەرەێلەێ وە گەڕا و خەتاکار ئقتسادی دناسرن و گەنترەگەێ یەسە ک تەولید مامر و ... گشت چشت خوەیان ک لە هەوەجەێڵ وڵات هساو دبن دخەفنن و دە شوونەگەیان دەم و دەرگاێ تەولید ئی پوول دیجیتاڵە دنن.
