بەڕازیل.. کوشیان و زەخمداری لە ئەنجام کەفتن پاسیگ وەناو دووڵیگ

شەفەق نیوز/ تووڕ "سی ئێن ئێن بەڕازیل" خەوەردا لە کوشیان کەسیگ و زەخمداری 25  کەس ترەک لە ئەنجام کەفتن پاسیگ وە 45 کەسەو وەناو دووڵیگ، کە پاسەگە لە ریو دی جانیڕۆ وەرەو ساو پاوڵۆ چیاد، و لە هامارییگ کەفتە خوارەو.

لە زوان پولیس و وەرگری شارستانی وت: لە ئەنجام کەفتن پاسەگە، 25 مەی لە ناوچەی بيندامونيانگابا، نزیک ساو پاوڵۆ زەخمدار بوین.

دەسەڵاتەیل لە ساو پاوڵۆ وتن: کوڕیگ ناخاڵە لە تەمەن 13 ساڵان لەناو خەسەخانە مرد.

 "سی ئێن ئێن بەڕازیل" وتیش: رویداوەگە شایەت لەوڵر سڕیان یەکیگ لە پاچکەیل پاسەگە لەریەگە بویەر کە لەدەس رانندە دەرچگە و کەفتیەسە ناو دووڵەگە.