ئاوڵەی مەیموون رەسیە تورکیا
2022-06-30T08:15:51+00:00
شەفەق نیوز/ وەزیر تەندروستی تورکیا یەکەم تویشهاتن وە ئاوڵەی مەیموون لە وڵاتەگەی راگەیان.
فەخرەدین قۆجە، وەزیر تەندروستی تورکیا لە تویتیگ راگەیان، یەکەم تویشهاتن وە ئاوڵەی مەیموون لەلای کەسیگ تەمەن 37 ساڵە لە تورکیا توومار کریا.
دیاریکرد کەسە تویشبویەگە لە مەردم جیاوەکریایە و کەرەنتین کریاس، وتیش؛ ئەو بیماریە لە ری کۆئەندام هەناسە نیەگوازیەدەو بەڵکم وە مدووی بەرکەفتەی لەش گوازیەێد.
