ئاماریگ فەرمی...نیمەی بەریتانیا توانای دەرکردن خەرج مانگانە نەیرن
2022-10-27T07:36:53+00:00
شەفەق نیوز/ ئامارەیل بەریتانیا دەریخەن، نیمەی هاوڵاتیەیل بەریتانیا توانای دابینکردن پویل مانگانەی خوازینەیل ژیان و پسویلەی وزە و قیستەیل ماڵەیلیان نەیرن.
نویسینگەی ئامار نیشتیمانی بەریتانیا، ئاشکەرایکرد، شمارەی فرەیگ لە لاتەیل وڵاتەگەی رویوەروی بارگرانی بوینە لە دابینکردن بژێوی ژیان، یەیش لەوەر ئەو قەیران داراییەس وڵاتەگە گردیە.
ئامارەیل ئویشن، زیاتر لە 30% هاوڵاتیەیل بەریتانیا نیەتوەنن قیستەیل ماڵەگانیان و شوین نیشتەجیبوینیان بیەن، لە وەختیگ 40% هاوڵاتیەیل لە مانگ گوزەشتە توانای بادینکردن پویل وزەی کارەبا نەیاشتنە، هەمیش لیست هەڵاوسان ئەو وڵاتە رەسیەسە 40%.
