پالاماریگ مووشەکی وەبان سەربازگەیگ ئەمریکی لە سوریا

شەفەق نیوز/ فەرماندەیی ناوڕاس ئەمریکی راگەیان هیزەیل هاوپەیمان ناودەوڵەتی لە ناوچەی رمیلان لە باکوور خوەرهەڵات سوریا، دویەشەو شەممە کەفتە وەر پەلامار شکستییگ وە مووشەکیگ عەیار ١٠٧ .

فەرماندەیی ناوڕاس لە بەیاننامەیگ، شەفەق ئمڕوو یەکشەممە، وت: مووشەکەگە کەفتە دەیشت سەربازگەی ئەمریکی و هاوبەشی، وەبی ئەوەگ زەرەد وە هویچ چشتیگ بڕەسنێد.

بەیاننامەگە وتیش: مووشەکەیلیگ تر لە شوین وەشاننەگە پەیا کریا، وتیش: هیزەیل فەرماندەیی ناوڕاس لێکۆڵینەوە لە پالامارەگە کەن.

یەیش دویای ئەوە تیەێد ک فەرماندەیی ناوڕاس ئەمریکی کوشتن دووان لە گەورەترین ئەندامەیل داعش وە گورزیگ ئاسمانی لە باکوور سوریا راگەیان.