کارگەیگ کیمایی لە چین تەقێد

شەفەق نیوز/ وەپای خەوەریگ لە ئاژانس خەوەری "شینهوا"ی چینی کارگەیگ کیمایی  لە پارێزگای شاندۆگی خوەرهەڵات چین تەقیەو وەی مدووە پەنج کەس گیان لەدەسدا و19 کەسیش زەخمداربوین و 6 کەسیش بیسەروشوینن.

 ئاژانسەگە راگەیان، کارگەگە وەلایەن  کۆمپانیای شاندۆنگ یوداو کیمیایی لە شار ویفانگ وەڕێوەبرێد، ئوشێد وە مدوو تەقینەوەگە پەنجەرەی چەن باڵەخانەیگ لە نزیک کارگەگە شکیاس.

وەرپرسەیل فریاکەفتن لە بەیاننامەیگ دیاریکردن، زیاتر لە 200 کارمەن فریاکەفتن رەسینە شوین تەقینەوەگە.

دیوان ژینگەی ویفانگ تیمیگ ئەرا وشکنین لە شوین تەقینەوەگە کلکردیە باوجی تا ئیرنگە هویچ ئەنجامیگ دەسیان نەکەفتیە.