ڤایڕۆس دڕندەی «نیباه» دەێدە ویلایەتیگ هیندی
شەفەق نیوز/ وەزارت تەندروسی هەرێمی وت: دەسەڵاتەیلی ویلایەت کارناتاکای هیندی ئامادەباشی لە چەن ناوچەیویگ راگەیان، دویای ئاشکراکردن ڤایڕۆس نیباه رخبەر لە ویلایەت کیرالای هاوسای.
وەرجەیە باس ئاشکراکردن بیماری ڤایڕۆس بکوش نیباه لەلای ١١ کەس لە ویلایەت کیرالای هیندی کریا، ک وتن رەوشیان ئارامە، و گشتیان پەیوەندی وەگەرد مناڵیگ ١٢ ساڵاناشتنە ک لەوەر ڤایڕۆس نیباه مردگە، و دویای مردن مناڵەگە پزشکەیل ویلایەتەگە دەسکردن تاقیکردنەوەی ٢٥١ کەس ک پەیوەندی وەگەردی داشتنە.
رینمایل وەزارت تەندروسی لە ویلایەت کارناتاکا باس گرنگی چەودیریکردن ئەوانەگ لە ویلایەت کیرالا تیەن، و بکەفنە مینەی نشانەیل بیماریەگە جوور تەو و ئاڵشتی لە مەغز و بی ئازی و سەرژان و تەنگە هەناسی و قوتە و هەڵاوردن و زگچین.
لە خود وەختەگە، ک. سودهاکار وەزیر تەندروسی لە ویلایەت کارناتاکا وت: هیچیگ لەی بیماری فرە رخبەرە لە ویلایەتەگە تۆمار نەکریاگە.
ڤایڕۆس نیباه وەڕی چەقەڵ باڵدار و مووش تیەێد، و هەمیشە ڤایرۆسەگە رەسێدە ئەو کەسەیلە ک میوەی پلگیاگ وە ئاو دەم ئاژەڵیگ بیمار خواردنە.
رێکخراو تەندروسی جهانی باس ئی ڤایرۆسە وە رخبەرترین ڤایرۆسەیل جهان کەێد، و هیچ دەرمانیگ یا واکسینیگ ئەرای پەیا نەویە، و ئاست مردن لەی بیماریە هالە ناونی ٤٠ و ٧٥ لەسەد.
