پەیاکردن 120کیلوگرام لەمادەی کۆکائین لە کناراوەیل ئوسترالیا
2023-12-27T15:34:28+00:00
شەفەق نیوز/ پۆلیس ئۆسترالیا، ئمڕوو چوارشەممە، راگەیان، بڕیگ لە کناراوەیل پاکەوکریانە لەو مەوقە پاکەتیگ پەیاکردنە کە هاتێ زیاتر لە 120کیلوگرام مادەی کۆکائین لەناوی بوود.
پۆلیس وت، یەکەم جار 39 پارچە کۆکائین بەسیای وە بڕ یەک کیلوگرام پەیاکریایە، لە رووژ جومعەی گوزەشتە لە نزیک کنارئاو ماجینتا لە باکوور سیدنی.
پۆلیس ولایەتەگە وت، لەومەوقەو تا ئیسە نزیکەی 85 پاکەت زیایە وەهەمان بڕ لە دویری 80کیلومەتر لە کناراوەیل ولایەن نیوساوس وێڵز پەیاکریایە.
سەرۆک وشکنەڕەیل پۆلیس جیسۆن وێنشتاین لە بەیانیگ وت، پۆلیس داوا لە مەردم کردیە لەمەوقەی هەر پاکەتیگ گوماناوی خەوەرداریان بکەن.
وتیش، "پەیجویرەیل و پۆلیس پسپۆر ئیرنگە کناراوەیل پاکەوکەن و مینەی ئەو پاکەتەیلەکەن گیرکردنەهەمیش کارکەن ئەرا پەیاکردن ئەو کەسەیلە وەرپرسن و لێپرسینەوە وەردیان کرێد".
