ئاگر گەورەیگ لە لۆس ئانجلەس هیز گرێد
2023-11-12T07:52:11+00:00
شەفەق نیوز/ تیمەیل ئاگرکپەوکردن لە لۆس ئانجلەس ئەمریکا، توەنستن ئاگر گەورەیگ کۆنترۆڵ بکەن، کە رەسیە سزانن تانکەر و ماشینەیلیگ و چشتەیلیگ ترەک لەناو ئەماریگ لەخوار رییگ سەرەکی لەناوڕاس شار لۆس ئەنجلۆس، کە ریەگە بڕیە.
ئەو ئاگرە بڵویزەی بەرزیگ وەرەو ئاسمان لەلی دەڕچگ، و تەیمانەیل کنار جادەیل پیچ خواردن، و سەنگەیل رەنگ سیا داڕزیان، ئەوەیش لەپای ری سەرەکی شمارە ١٠ لە ناوچەی پیشەسازی.
وەڕێوەبەرایەتی ئاگرکپەوکردن لۆس ئانجلەس راگەیان؛ ئاگرەگە هویچ زەخمدارییگ لەلی نەکەفتیە، بەڵام رووبەریگ چەتە 6 یاریگای تووپان سزانیە.
تا ئیسە دەسەڵاتدارەیل هووکار ئاگرەگە ئاشکرا نەکردنە.
دەسەڵاتدارەیل ئویشن؛ ری خوەرهەڵات-خوەرئاوای لۆس ئەنجلۆس تا ئمڕوو یەکشەممە ئەرا ماوەی ٢٤ ساعەت بەسیاس.
