ئاگر کەفتن لە فرۆکەخانەی ناودەوڵەتی کوەیت
2022-03-28T09:08:06+00:00
شەفەق نیوز/ وەگورەی ئەوەگ دەسڵاتدارەیل ناوخۆ راگەیاننە، ئاگر کەفتیە لە هۆل نوویگ ک هالەژیر بیناکردن لە فرۆکەخانەی ناودەوڵەتی کوەیت.
قسەکەر فەرمی وەزارەت کارەیل گشتی کوەیت ئەحمەد سەعەد ساڵح وت، بەشیگ لە پرۆژەی فرۆکەخانەی ناودەوڵەتی نوو کوەیت ناسریاگ وە ناو (تی2) شەوەکی دوشەممە کەفتە وەربەشیگ لە سزیان.
ساڵح لە بەیاننامیگ رووژنامەوانی باسکرد هێزەیل ئاگرکوشانەوەی گشتی رەفتار وەگەرد ئاگرەگە کەن.
لە لایگتر قسەکەر وەزارەت ناوخۆ تەوحید کەندەری وە ئاژانس ئەسیوشیتید برس وت، پیاوەیل ئاگر کوشانەوە تا ئیسە تەقەلای کۆنترۆڵکردن ئاگرەگە دەن.
وتیش هووکار ئاگرکەفتنەگە وەزۊی دیار نییە، باوجی دیارە کەسیگ هووکاریە.
