ئاژانسیگ: کۆریای باکوور زیاتر لە 12 ملیۆن گولە دەێدە رووسیا

شەفەق نیوز - سۆل

دەسەڵاتدارەیل هەواڵگری سەربازی کۆریای باشوور، ئمڕوو یەکشەممە، ئاشکرا کردن کە کۆریای باکوور ئەرا پاڵپشتیکردن جەنگ دژ وە ئۆکرانیا گولەی تووپخانە داگەسە رووسیا، کە رەسێدە زیاتر لە ١٢ ملیۆن گولەی ١٥٢ ملم.

ئاژانس یۆنهاپ کۆریای باشوور بڵاو کرد کە شایەت کۆریای باکوور تا ئیسە نزیکەی ٢٨ هەزار کۆنتێنەر کلکردیە کە چەک و تووپخانە لەناوی بویە، وەگورەی راپۆرتیگ کە لەلایەن دەزگای هەواڵگری وەرگری کۆریای باشوورەو بڵاو کریاس، و پێشکەشی وە پەرلەمانتاریگ پارتی سەرەکی ئۆپۆزسیۆن کریاس.

دەزگای هەواڵگری وەرگری که بەشیگە له وەزارەت وەرگری وت: "ئەگەر شمارەگە وە تاکه گولەیل 152 ملم شمارە بکرێد، وەنە شمارەی ئەو گولەیلە رەسیەسە زیاتر له 12 ملیۆن گوله.

لە مانگ ئۆکتۆبەر ساڵ گوزەشتەو، کۆریای باکوور چەک ئاسایی و نزیکەی ١٣ هەزار سەرباز ئەرا رووسیا کلکردگە ئەرا پشتیوانیکردن لە جەنگ مۆسکۆ.

دەزگای هەواڵگری سۆل لە کۆتایی مانگ حوزەیران ئمساڵ بڵاو کرد کە هاتێ کۆریای باکوور لە مانگ تەمموز یا ئاب هیزیگ زیاتر ئەرا رووسیا کلبکەێد.

میدیایەیل رووسیا بڵاو کردن کە کۆریای باکوور پونج هەزار کراکار بیناسازی سەربازی و هەزار ئەندازیار مین ئەرا کورسک کلکەێد ئەرا پاڵپشتیکردن ئاوەدانکردن.

وەرجەیە پیۆنگ یانگ سەربازەیل کۆریای باکوور وەرەو ناوچەی کورسک لە خوەرئاوای رووسیا کلکردگە ئەرا کۆنترۆڵکردن ئەو ناوچەیلە کە لە تاوسان گوزەشتە لە پەلامار  کتوپڕیگ لەلایەن هیزەیل ئۆکرانیا دەس وەبانی  نریا.

میدیای دەوڵەتی کۆریای باکوور بڵاو کرد کە کیم جۆنگ ئون، سەرۆک کۆریای باکوور پشتیوانیی بی مەرج پیۆنگیانگ ئەرا گشت کارەیل سەرکردایەتی رووسیا ئەرا چارەسەرکردن رەوشەیل ئۆکرانیا وە شیوەیگ گشتگیر دووپاتکرد.

ئاژانس ناوەندیی کۆریای باکوور بڵاو کرد کە کیم ئی قسەیلە لە ناو دیدارەگەی وەرد سێرگی لاڤرۆڤ وەزیر دەیشت رووسیا هات لە سەردانکردن کۆریای باکوور، کە رووژ جمعە رەسیە شار وۆنسانی کۆریای باکوور ئەرا قسەکردن وەرد هاوتا کۆریاییەگەی، چۆی سۆن هوی، لە چوارچیوەی خول دویەم گفتوگۆ ستراتیژی لە ئاست وەزیرەیل دەیشتەو.

وەزیر دەیشت رووسیا لە سەردانەگەی کە ئەرا دووپاتکردن هاوبەشی ستراتیژی ناوەین هەردوگ وڵات هات، دەسخوەشی لە هاوپەیمان سەربازی وڵاتەگەی وەرد کۆریای باکوور کرد.