10 فرۆکەی بێفڕۆکەوان ئیرانی ئیسرائیل لەرزنن
شەفەق نيوز/ میدیایەیل ئیسرائیل، ئمڕوو شەممە، خەوەردان کە نزیکەی 10 فرۆکەی بێفڕۆکەوان شەوەکی ئمڕوو لە ئیرانەو وەشیان، کە بوینە مدوو وەکارخستن فیکەی هوشداری لە چەن شوینیگ لەناو ئیسرائیل.
رووژنامەی "يسرائيل هيوم"، وت: یەکیگ لە فرۆکەیل فڕۆکەوان داد لە بینایگ لە شار بیسان، وەبی خەوەریگ لە کەفتن قوربانی.
لەلای خوەییش، ئێزگەی ئیسرائیل وت: ئەو تەقینەوە لە ئەنجام کەفتن درۆنەگە بویە مدوو هیزگردن ئاگر لەناو بینایگ دوو قاتی، کە زەرەد گەورەیگ وەپی رەسانیە.
وتیش: دادگای پەخش ئیسرائیل وتیش: دەسەڵات رزگارکردن وە شیوەیگ فراوانیگ مینەی کەسەیلیگ گیرهاتگ لەژیر ماڵیگ کەن کە زەرەدەیل گەورەیگ وەپی رەسینە لە خود ئەو شارە.
هەرلیوا، بەرەی ناوخوەیی ئیسرائیل وەکارخستن فیکەی هوشداری ئەرا دویەم جار لە ماوەی کەمتر لە یەک ساعەت راگەیان لە ناوچەی عەرەبە لە باشوور دەریای مردگ، لە وەختیگیش ئێزگەی ئیسرائیل خەوەردا کە چەک ئاسمانی ئیسرائیل کەفتە شوین درۆنیگ لە سنوور وەرەو ئەو ناوچە هاتە ناوەو، وەبی زەخمداری و زەرەدەیل.
هەمیش لە ناوچەیلیگ ترەک لە باشوور جۆلان و ناوچەی پیشەسازی لە نەقەب، و شار ئیلات فیکەی هوشداری کوتیا.
