سێ پارچە
ژيــــــــان یانێ
سزیانو پا وە گەز دان
وە دووارە لە خوەڵەکووان
سەوز کردنو
پەلوەچ کیشان...
سعید عبادتیان
……….
دڵم مینێدە یەێ باخ° چەپاوێ
هناسەێ سەردمی گیژ خوێدە ناوێ
خە‌مەیلێ وەفرەگەێ قەێ دارەگانە
دەرە لیم گرتێە خۆەر پێ نیە‌تاوێ
ئیران علیکرمی
………
ئەول°هسارەگانا هەرسەێ چەنێگە دووسم
لەێ نوو هناس سەردێ کردن وە هاو منووسم
لە داخ° بێ دەماخی ئێ ئێڵ° بێ چراخە
چەم دامە چۊ گۆچانێ، یەێ چنڰ سقانو پووسم
یەێ دەف ڕەنڰ° وهارێگ نیەخەێ لە ئێ دراوە
هەێ تۊل°وشک° بێ بەر، تا کەێ لە پاێ ت° بووسم؟؟
ناو ئێ زنان°سەردە، هاوار! واێ هاوار!!
هێمان تیەنێ تماشاێ چەوە کاڵەگەێ مەجووسم
لە هووز° جەورو مەێنەت، هاوساێ شەواردانم
مەردم! نە ئەرمەنی کیش، نە ئەهڵ° ڕوومو ڕووسم
جلیل ئاهنگرنژاد
