خانمەسور
2023-11-05T14:33:28+00:00
واران ئەگەر بوارێ لە ئە سیە شەوارە
گۆڵەیل زەردو چەرمی لەیرە مێگەنەوارە
ئەوسا ت خوەش چنیدەو تناف گیس هوڵد
چوو مانگە شەو درەوشی لە ژیر ئەو دەوارە
شاپەروەر خەیال هزار وەهار دویری
ت ئوشی خانمەسۆرە ئەو نازەنین سوارە
گوڵ مینا مڵەگەی بان نوا کێوەی من
یە دەف ئەرای خاترم سەر هێز بیە دوارە
پەنا وە گرمە‌‌‌‌هڕ شەوەیڵ سەرد زمسان
خەو نەشکێدە بژانگەم،وڵم بکە شەوارە
عه‌لی ئولفه‌تی
