ئه‌نجومەن ئەدەبی ئاوات هاتە دی

Category: هونه‌ر

Date: 2021-01-13T19:19:51+0000
ئه‌نجومەن ئەدەبی ئاوات هاتە دی

شەفەق نیوز- دوێکە ئێوارە، ئەنجومەن ئەدەبی ئاوات دە سەقەز دەس کرد وە کار.

دە ئی دانیشتنەوە ک دوێیمن دانیشتنەوەێ ئاوات بی و وە نام "گوشن کردن ئەنجومەن"ەگە نامگیرەو کریابی.

مودیر ئی ئائینە؛ هەژان بابامیری، دەبیر ئەنجومەنەگە، دە سەرەتاێ قسەێلەێ وت: گەپترین کار ئیمە جوور NGO و چالاکەێل ئەدەبی، میرات‌ئەڵگری و ئامانەت‌ئەڵگرییە و چشتێ ک دە ئی ئەنجومەن دگریمنە مل یەسە ک ئی میرات باوانییە وە کووەو کردنەوەێ میژوو ئەدەبی سەقز و زینگەو کردنێ، بەریمنە بەزانی و بن‌دوروس.

دە دریژای ئی دانیشتنەوە، میلاد ئەمانولاهی شاعر سەقزی ک قسەکەر ئەنجومەنەگەێش هساو دبێ، سەر باس دەبارەێ بەرنامەێلەێ ئی ئەنجومەنە ئەڕا بانان ئەڵچپان و وت: هەر کارێ وەختێ ک دە نام رەسانەێل و رووژنامە و گوڤارەێلە، وڵات لەێ ئەوبڕەسنیمن، دەسکەفتەێل فرەترێ دیرێ ک ئیمە ئەڕا ئاوات ئی شەواچە خستیمنەسە رێ و بەس و پەیوەندییەێلێ نایمنە ک لە هەر کارێگمان زوو وە زوو هە لە سەقزەو تا هەر جیێ تر دە ئێران و ئەو دووەێ کوردستانات تا وە بەغدا، وە بەشداری هەواڵنێری شەفەق‌نیوز کوردەێل فەیلی، بڵاوەو ببێ.

دە ئی دانیشتنەوە لە دو شاعر کووچیاگ و گەوراێ ناوچەێ سەقز ویر کریا؛ ماموستا سەێ کامیل ئیمامی وە نازناو ئاوات ئوو میرزا فەێزولا شافعی ناسریاگ وە لانام نازاری موخڵس ئمجا ژیان‌نامە و بڕێ لە شێعرەێلەیان وە دەنگە پڕ هەستەگەێ برایان خاڵد فەتاحی و ئقباڵ موحەمەدی و خانم فاتمەێ حجازی خوەنریا.

دەس دۆماجار، دە بەشە ئاخرەگەێ ئی دانیشتنەوە بڕێ لە شاعرەێلە شێعرەێلەێ خوەیان خوەنستن و ئاخرسەریش گوورانی کوردیێ چڕیاوە.

هەرچەن داخوازیاری فرەیێگ ئەڕا بەشداری لەێ مەراسمە ک دە ساڵونە گەپەێ کتاوخانه‌ێ مه‌رکەزی شار سەقز نریا، دکریا باوجی وە خاتر پیەرێزداری لە کورونا، ئی ئەنجومەنە، هە بڕێ لە چالاکەێل و شاعرەێل و نویسەرەێل ئەدەبی سەقز، دەنگ کرد ئەڕا هاتن وەێ ئائینە بهەرزە.

related

چاپ دوێیم کتاوێ دە بارەی موکریان

Date: 2021-01-03 07:39:25
چاپ دوێیم کتاوێ دە بارەی موکریان

"دە بان باڵ سیمرخ"

Date: 2020-10-13 20:17:41
"دە بان باڵ سیمرخ"

بێ‌ڕێزی وە سان قەورەگەێ موحەمەد ماملی

Date: 2021-01-08 18:53:04
بێ‌ڕێزی وە سان قەورەگەێ موحەمەد ماملی

رامش، ژن دەنگ‌بێژ ئێرانی، دە دوورەوڵات، مرد

Date: 2020-12-12 20:54:36
رامش، ژن دەنگ‌بێژ ئێرانی، دە دوورەوڵات، مرد

یادگارییەێ جەنگ جەهانڕوو دە کرماشان

Date: 2021-01-11 18:12:01
یادگارییەێ جەنگ جەهانڕوو دە کرماشان

گلەو داین گەورییەیل هەخامەنشی

Date: 2020-12-13 16:46:05
گلەو داین گەورییەیل هەخامەنشی

نامگیری "داڵاهوو" وه نام شار ته‌مووره

Date: 2021-01-12 08:58:26
نامگیری "داڵاهوو" وه نام شار ته‌مووره

پێشوازی لە پێشتازی ژنەیل

Date: 2020-12-17 18:42:38
پێشوازی لە پێشتازی ژنەیل