مووزەێ سان‌وێنە دە ئیلام سامان وەێ ددرێ

Category: هونه‌ر

Date: 2021-01-13T16:08:20+0000
مووزەێ سان‌وێنە دە ئیلام سامان وەێ ددرێ

شەفەق نیوز- بەرپرس میرات فەرهەنگی و گەشتیاری ئیڵام وت: ئی مووزە ک نۆسەد و سێ قەڵ کوچگ گەور ها دەێ، دە وتاخێ سەد متری دە سازمان فەنی حرفەئی نریاگە، وەێ زووەێلە سەر و سامان ددرێ و ئی مووزە‌  ئەڕا یە بنەڕاێ نریاگە ک دووسخوازەێل زەمین‌ناسی و زاڕوو مەدرەسەێلە بچنە وەورەێلە.

دە ئی مووزەڵە، بڕێ لە سان‌وێنه‌ێل و بەرد و چنگ ‌پەریەێلێ ک دە کەش و کێوە و بیاوانەێلەێ ئیلام پەیدا کریانە و فوسیلەێلێ چەن هزار ساڵەن کریانەسە دی.

ئوستان ئیلام لە جارانەو پڕە لە کوچگەێلێ ک دوویشن فوسیل گژ و گیاێل و گیانەوەرەێلێ چەن هزار ساڵە و چەن ملیوون ساڵەن ک مردنە و لار و لەشێیان جوور نەخشێگ چەوسیاگەسە قەێ کوچگەێلە و لە قەێ نەدکنرن.

بڕێ  وتنە دە زوونان، ئیلام و بەش فرەیێگ لە زاگڕوس، گشتێ دە ژێر ئاو و ئوقیانووس بییە.

ئەوسا دە فەرهەنگ عامەێ کورد، کەێوانووەێلە ئی چنگ‌پەرییەێلە دنان دە نام گوونی ئارد و گەنم و جۆ و برنج و ماش و نژی و نخە و چشتەێلێ لەێ‌وا، تا رابگرێگ و پیت و بەرەکەتێ نەپەڕێ.

ئەوان دوتن ئیجووور نەخشێ دە قەێ ئی‌چوونە بەردێ، هن یەسە ک پەری و ساهڵ واهڵەێل خەێر دەس ئەڵەێ وەشاننەو مڵاکەت خەێر چنگ کوتاگەسە قەێ و ئەڕا یەسە ک پیت دیرێ و چەم گەن ئەڵەێ کار نەدکەێ.

related

بەغدا و ئیلام، ده دامان ئاربابای بانه

Date: 2020-09-23 15:15:01
بەغدا و ئیلام، ده دامان ئاربابای بانه

دوێیمین دەوره‌ێ خەڵات ئه‌ده‌بی باشوور، دە ئیلام

Date: 2020-12-31 18:06:13
دوێیمین دەوره‌ێ خەڵات ئه‌ده‌بی باشوور، دە ئیلام

دواره هه‌م، قیڕ قیڕ قوڕواقه

Date: 2020-10-30 19:41:04
دواره هه‌م، قیڕ قیڕ قوڕواقه

جەژنەوارەی تئاتر مەجازی ئیلام، ئاخرێ خوەش ئەڕا مولودرام ئمساڵ

Date: 2021-01-02 09:32:36
جەژنەوارەی تئاتر مەجازی ئیلام، ئاخرێ خوەش ئەڕا مولودرام ئمساڵ

تیتاڵی سووپرئستار ئیلامی

Date: 2020-11-06 08:08:29
تیتاڵی سووپرئستار ئیلامی

دوانزهمین ساڵهات کووچ کێخاێ رووژنامه‌وانی ئیلام

Date: 2021-01-04 07:23:06
دوانزهمین ساڵهات کووچ کێخاێ رووژنامه‌وانی ئیلام

کێوه، کڵاس زاڕووه‌یله‌ی هووز باوه

Date: 2020-11-16 10:01:55
کێوه، کڵاس زاڕووه‌یله‌ی هووز باوه

هانا و ئێواره‌شێعرێگ ئانلاین ده ئیلام

Date: 2020-12-04 20:23:34
هانا و ئێواره‌شێعرێگ ئانلاین ده ئیلام