سەرۆک هەرێم کوردستان پرسەی "ئەربیلی" کەێد

Category: هونه‌ر

Date: 2022-06-20T10:06:09+0000
سەرۆک هەرێم کوردستان پرسەی "ئەربیلی" کەێد

شەفەق نیوز/ نێچیروان بارزانی سەرۆک هەرێم کوردستان، پرسە وسەرەخوەشی لە کووچکردن هونەرمەن ناودیار محمد ئەحمەد ئەربیلی کرد. 

سەرۆک بارزانی لە بەیاننامیگ وت: ئەربیلی دەنگ دیار ورەسەنیگ بوی لە مۆسیقا وگورانی وهونەرەیل کوردی وتورکمانی، وبڕیگ لە کارەیل هونەری رەنگین ورێزدار هیشتەجی.    

هەرێم کوردستان، ئمڕوو دووشەممە، ماڵئاوایی لە هونەرمەن ناودیار "محمد ئەحمەد ئەربیلی" کرد، لە تەمەن ٨٩ ساڵان، دویای زیانی وەگەرد بیماری.

یە ٢٥ رووژە ئەربیلی لەناو یەکیگ لە خەسەخانە هەولێر خەفتیە، تا ئمڕوو دویاکووچی کرد، وئەوەسا لە قەورسان شێخ جولی لە هەولێر، دویای خوەنین نماز ماڵئاوایی، نریەێدە خاک. 

لە ناوبانگترین گورانیەیل محمد ئەحمەد ئەربیلی گورانی (یەڵا شۆفێر) بوی ک خوەی نویساسەی وئاوازی دانا، و هەرلە حەسەن زیرەک و ئیبراهیم تاتڵیساس چڕینەی.

لە ساڵ ١٩٥٩ خوەی رەسانە ئیزگەی بەغداد وبڕیگ گورانی تورکمانی توومار کرد، ک وەپی ئویشن "قوریات" و دویای ئەوە وەناوبانگی هاورد.

related

هونەرمەن گەورە محەمەد ئەحمەد ئەربیلی کووچ دوایای كرد

Date: 2022-06-20 08:30:30
 هونەرمەن گەورە محەمەد ئەحمەد ئەربیلی کووچ دوایای كرد