بیس و دوێیمین ژماره‌ی هه‌فتەنامەی گوڕان

Category: هونه‌ر

Date: 2020-12-20T07:08:53+0000
بیس و دوێیمین ژماره‌ی هه‌فتەنامەی گوڕان

شەفەق نیوز- سێزدەی دسامبر، بیس و دوێیمین ژمارەی هەفتە‌نامەی گوڕان، دە دوێیمین ساڵ بڵاو بیین خوەێ، هاتە بازار.

دە ئی ژمارە، وتارێ وە نام (کورونا و کەندڕەیل ئێجتماعیێ ک سازییە دە جامێعە) نریاگە و ئمجا خەوەرێ نریاگە ک مزگانی کارێگە دیاری لە ماموستا هادی زیادینی، پەیکەرتاش گەورای کورد. دە ئی هەواڵە لە سازین سەردیس و پەیکەرەی لە ماموستا مەحموود دەوڵەت‌ئابادی، نویسەر فارس‌زوان خوراسانی ک گەوراترین رومان‌نویسە وە زوان فارسی و دە فرە لە کتاوەیلە‌ێ، ئوو دە رومانە دیارییەی (کەلیدەر)، قارەمانەیلەی لە نام کورد کرمانج خوراسانی ئەڵبژاردگە، خەوەر دریاگە.

تیتر یەکم ئی هەفتەنامە‌یش لەێ‌واسە (توور توو فەرەنگی ئاوایی تووریوەر). دە ئی خەوەره و له زوان وه‌زیر میرات فەرهەنگی و گەشتیاری ئێران، وەیجوورە هاتگە: ئی ئاواییە وە ئاو و هەوایێگێ خاس و دڵخواز، هەم ئەڕا (توو فەرەنگی) ئەڵگرتن و هەم دە نەورووز هەر ساڵ، مێوانداری لە بڕ فرەیێگ لە گەشتیارەیلە دکەێگ ئوو بڵووزەی ئاگر نەورووز و رمەێ پاێ چووپی‌وازەیل و دە‌سگرەیل و ئەڵپەڕەکی‌کەرەیل، ئوو کوردەماڵەیلێ ک کریانەسە ماڵگەێ بوومگەردی لە جازبەیل گەشتیاری ئی دیەکەێ کەم‌وێنەنە.

ئی ئاواییە ها دە چل و پەنج کیلوومتری لاخوار سنە (سەنەندج)، دە لا رووژئاوای ئی شارە ک ناوەند ئوستان کوردستانە.

ئەڕا خوەنین PDFەگەی ئی گوڤار دوزوانە، کلگ بننە ئێرە و کرتە بکەن دە بانێ.

related

نامگیری "داڵاهوو" وه نام شار ته‌مووره

Date: 2021-01-12 08:58:26
نامگیری "داڵاهوو" وه نام شار ته‌مووره

مانگ هەڵات

Date: 2021-02-12 19:40:14
مانگ هەڵات

رامش، ژن دەنگ‌بێژ ئێرانی، دە دوورەوڵات، مرد

Date: 2020-12-12 20:54:36
رامش، ژن دەنگ‌بێژ ئێرانی، دە دوورەوڵات، مرد

ئه‌نجومەن ئەدەبی ئاوات هاتە دی

Date: 2021-01-13 19:19:51
ئه‌نجومەن ئەدەبی ئاوات هاتە دی

مانگنامەێ زانکۆ هاتە دەر

Date: 2021-02-14 20:04:23
مانگنامەێ زانکۆ هاتە دەر

گلەو داین گەورییەیل هەخامەنشی

Date: 2020-12-13 16:46:05
گلەو داین گەورییەیل هەخامەنشی

ئمڕوو جەژن سەدەسە

Date: 2021-01-29 11:29:35
ئمڕوو جەژن سەدەسە

کووشێعرەگان (شاکە و خان‌مەسۆر) دوارە‌چاپەو بی

Date: 2021-02-14 20:42:58
کووشێعرەگان (شاکە و خان‌مەسۆر) دوارە‌چاپەو بی