یەکەمینە لەیجویرە: دروسکردن گووشت دەسکرد کە تەواو جویر گووشت سروشتییە
شەفەق نیوز/ زانایەیل توەنستن گووشتیگ دەسکرد دروس بکەن کە وەتەواوی هاوشیوەی گووشت سروشتیە، و مەردم ئاساییش نیەتوەنن لە گووشت پەس و گا جیای بکەنەو، کە یە یەکەم بەرهەمە لەیجویرە لە میژوو مرۆیی. کە وەرجەیە زانایەیل توەنستن گۆشتی دەسکرد لە تاقیگە دروس بکەن، بەڵام یە یەکەمجارە کە ئەوەنە هاوشیوەی گووشت سروشتی بوود کە لە یەکتر جیاوە نیەکریەن.
وەگورەی ڕاپۆرتیگ کە رووژنامەی "دەیلی مەیل بەریتانی" بڵاوی کردەگە؛ زانایەیل ئیسرائیل تا ئیسە بەشیگ لە بەرهەمە ساختە گووشتییەیل دروسکردنە، کە بریتین لە پارچەی گووشت گیسک و گووشت دەسکرد کە لە پرۆتین ڕووەکی دروس کریانە، کە زانایەیل بانگەشەی ئەوە کەن کە جیاناکریەنەوە لە. گووشتە رەسەنەیل.
ئی گووشت ئیسرائیلییە لە تاقیگە بەرهەم نیاێد و چاپ سێ رەهەندیش نییە، بەڵکم وە تەکنەلۆژیای نوو لە پیشەسازی خوەراک دروس کریەێد.
ئەوانەگ وەرپرسن لەی کارە ئویشن ئی گووشتە تەنیا پارچەی تەواو نین، بەڵکم قاوەییەو بوون و لەناو تاوە برشیەن هەکاتی گووشت راسیانە.
وەگورەی شارەزایەیل زانکۆی عیبری گووش دەسکرد زیاتر لە گووشت ئاژەڵ دووس ژینگەس.
شارەزایەیل لە توێژینەوەگە وتنە: "گەشەسەنین خواست جەهانی ئەرا بەرهەمە گووشتییەیل نیگەرانییەیل ژینگە زیای کەن، یەیش زوور لەبان گرنگی پەیاکردن جینشین گووشت وەردەوام کەێد".
توێژینەوەگە وتیش: هەرچەن شیوازەیل ئیسە وە شیوەیگ کاریگەر گووشت هویردکریاگ دروس کەن، بەڵام تەقلیدکردن بڕین تەواو کە 54% بازاڕ جەهانیە، هیمان جویر تەحەددایگ مینێد.”
توێژەرەیل وتنیش: "کارەگانمان مزگانی سەردەم نوویگ لە تەکنەلۆژیای خوەراک وەردەوام دەێد وە پیشکەشکردن شبوازیگ قەوارەدار و لە رەی ئابوورییەو ئەرا بەرهەمهاوردن هاوشیوەی گووشت تەواو پارچە کریاگ."
هەرلیوا، جیگریگ پیشکەش کەێد ئەرا چاپ سێ ڕەهەندی کە وەرجەیە لە پیشەسازی خوەراک وەکارهاتگە، کە هویردە هویردە چین وە چین تاقە خوەراک دروس کەێد.
شیواز دەسکاریکریای قاڵب دەرزی بریتییە لە گردن سکان دیجیتاڵی ئەرا پارچە گووشتە راسگانی و چاپکردن قاڵبەیل کە کۆنتۆر خوەیان دووارە کەنەو، ئیجا باوەت پڕکردن قاڵبەیل وە دوو مادەی پێکهاتەیی دەسکرد، یەکیگیان نوێنەرایەتی چەوری ئاژەڵ کەێد، و ئەوەکە تەقلیدی شانە گووشتییەیل دەکات.
شانەیل ئاژەڵ و جیگر چەوری ساختەس (کە وەپی ئویشن پرۆتۆلیگلام) لە بڕیگ جیاواز لە پرۆتین رووەکی جویر سۆیا، نخوت، فاسۆلیای سەوز، پەتاتە، نژی و برنج دروس کریەێد.
پرۆتیۆلیگلام توانای ئەوە دیرێد "دڵۆپە چەورییەیل لە مەوقەی کوڵیان بمینێد لە خود وەختیش پەیوەندییگ جیگیر لە ناوەین توخمە ماسولکە و ئێسکەپەیکەرییەیل گووشتەگە دروس کەێد."
زانکۆی عیبری قودس لە بەیاننامەیگ وت: "ئی ماددەیلە وەیەکەو ری وە دروسکردنی پارچە گووشت ئاڵووز دەن، جویر ستیک، دەنی، و سوخان لە شیوەی پیت T وە تیژبوینی وەرچەویگ و دڵسووزی ناسک".
