راسە جاروبار خوین لە چەو وارێد؟

Category: هه‌مه‌ڕه‌نگ

Date: 2020-09-26T14:43:17+0000
راسە جاروبار خوین لە چەو وارێد؟

شەفەق نیوز/ دوێەتیگ بەڕازیلی، سەرسام پزشکەیل کرد، لەوەر گیریەی خوینینی لەجیای ئەسر، ئەرا ماوەی زیاتر لە یەک هەفتە، وەبی هووکاریگ ئاشکرا.

جۆلیانا تیکسیرا، داڵگ ''دوریس'' ک ١٥ ساڵانە، وت: دوێتەگەی خوین گیرستیاد لە جیای ئەسر، لە سەرەتایی ژانیگ لەناوزگی وەخوەی دیاد، و ناچاربوی بوەێدەی ئەرا پزشکەگان، و دەرچگ کوچگ هاناو گورچگی.

دویای چەن ساعەتیگ لە هاتنەوەیان، خوین دەسکردە داوەزین لە چەوەیلی، تا یەکجایتر بوەێدەی ئەرا خەسەخانە لە شار ساو پاوڵۆی باڕازیل، بەڵکم دویای تاقیکردنەوەگان، پزشکەگان هیچ هووکار روونیگ ئەرا ئی خوین چەوەیلیە پەیا نەکردن.

جی باسە، ک پزشکەگان هەمیش کەسیگ هاوشیوەی دوریس لە گوزیشتە دینە، ک مناڵیگ هیندی لەتەمەن ١١ ساڵان هەمیش لەجیای ئەسر خوین گیرستیاد.

داڵگ دوێتەگە وت: رووژانە نۆڕەی ئەسر خوینی وەپی بیاد، وەبی ژانکردن، ک هێڵەیل خوین سوور وەناکاوەو لەبان کوپەیل دویتەگە ئەرا چەن خولەکیگ دیاردیاد، ئەرا دوو یا سێ جار لە رووژیگ، و شیوەی خوینەگە توقانن بوی.

پزشکەگان بریگ تاقی  ئەرا رەسین وە هووکارەگان کردن، وەلی هەر جاریگ وەهیچیگ نەڕەسیان، چوونکە بیمارەگە مێژوویگ لە بیماری نەیاشتگە، و سەرچەوەیل ئەسرەگانی گرفتیگیان نەوی، و هیچ شیوەیگ ئاشکرای هیچ هووکاریگ پەیا نەکریا.

بەڵکم لەلای کەسەیلیگ تر ک تۆمارکریانە لە مێژوو پزشکی، دەرکەفتگە ک زیایبوینیگ بویە لە سکە رەگەگان و فشاریان لەو شوونەیل ناسکە زیای بویە، یا پەنام لە ژیر سەرچەوەیل ئەسرەگان، یا سەرچەوەیل ئەسرەگان وە شیوەیگ بیوینە جاروبار خوین دروسکرنە.


related

ژنیگ تا ١٠ ساڵ تەرم داڵگی لەناو یەخچاڵ شاریدەو

Date: 2021-01-30 10:11:44
ژنیگ تا ١٠ ساڵ تەرم داڵگی لەناو یەخچاڵ شاریدەو

شەراو پەنج هزار ساڵە، کریا وە دی

Date: 2021-02-18 17:29:43
شەراو پەنج هزار ساڵە، کریا وە دی

دە تەسادوفەیلە، پیاگه‌یله تاوان‌‌بارترن

Date: 2020-12-04 16:35:44
دە تەسادوفەیلە، پیاگه‌یله تاوان‌‌بارترن

ماشین باڵدارێ ئەڕا موسابقە

Date: 2021-02-06 09:25:00
ماشین باڵدارێ ئەڕا موسابقە

ژاپون، بنەڕای وزارەت تەنیایی دنێ

Date: 2021-03-01 07:40:23
ژاپون، بنەڕای وزارەت تەنیایی دنێ

گیریان وە خاتر پرسە

Date: 2020-12-07 17:37:28
گیریان وە خاتر پرسە

پەشێویایی و ئسترس، خواردن فرەترەو دکەێ

Date: 2021-02-06 18:25:41
پەشێویایی و ئسترس، خواردن فرەترەو دکەێ

هەفت ملیوون مردگ، وە خاتر دەروەسی هەوا

Date: 2020-12-10 20:24:35
هەفت ملیوون مردگ، وە خاتر دەروەسی هەوا