دانیمارک دەسنێدە بان ماشین گرانیگ لەلای کابرایگ عراقی

Category: هه‌مه‌ڕه‌نگ

Date: 2021-10-09T09:46:37+0000
دانیمارک دەسنێدە بان ماشین گرانیگ لەلای کابرایگ عراقی

شەفەق نيوز/ میدیایل راگەیانن،  ئمڕوو شەممە،  باس کردن ک پۆلیس دانیمارک دەسنادە بان ماشین گرانیگ لەلای کابرایگ عراقیخ دۊیای چەن ساعەتیگ لە سەنینی، لەوەر ملهڕیی لە رانین ماشینەگە. 

میدیایل راگەیانن لە زوان رووژنامەی نوردجیسی خۆجێیی ک لە باکوور دانیمارک دەرچوود، وتن: پۆلیس دانیمارک رەوانگەی کابرایی عراقی کرد ک لە نەرویج جیگر بۊیە، و ماشین لامبورگینی هوراکان، وە تونی ٢٣٦ کیلومەتر/ ساعەت رانێد، ئەویش لەبان ری زۊینەیگ ک بەەزترین تونیی رەسێدە ١٣٠ کیلومەتر/ ساعەت. 

لە بنەمای یاسای نوو دانیمارک پۆلیس ئەرای هەس دەسبنەێدە بان ماشین رانندە ملهڕەیلە و بفرووشێدەی، و پۊلەگەی بخەێدە گەنجینەی دەوڵەت دانیمارک.  

رووژنامەگە وتیش: ئەو کابرا  وەرجە چەن ساعەتیگ ماشینەگە لە ئەڵمانیا وە بایی دوو مەلیۆن کڕۆنەر،  نزیکەی ٣١٠ هەزار دۆلار سەن. 

رووژنامەگە لە زوان ئەفسەر جیس فالبیرگ لە پۆلیس باکوور دانیمارک وت: خاوەنەگە کەمیگ بیزار بۊی هەنای دەسنریا بان ماشینەگەی.  

وەگەرد دەسناین لەبان ماشینەگە، ئەوەسا باجیگ خریەێدە بان خاوەنەگەی لەوەر رەدکردن لە ئاست تونی رانینەگەی.             

related