کوشیان ١٠ کارمەن لە هەرێم کوردستان وەماوەی ٤ مانگ

Category: هــــه‌واڵ كــوردى

Date: 2021-05-01T10:41:38+0000
کوشیان ١٠ کارمەن لە هەرێم کوردستان وەماوەی ٤ مانگ

شەفەق نیوز/ یەکێتی کرێکاران کوردستان، ئمڕوو شەممە، راگەیان کوشیان ١٠ کرێکار لەماوەی چوار مانگ گوزەیشتە لەی ساڵە.

یەکێتیەگە  لە پارێزگای سلێمانی وە بۆنی رووژ جهانی کرێکاران لە ١ ئایار، ئاهەنگیگ سازی، ئەوەیش وەئامادەبوین پارێزگار سلێمانی و چەن کەسایەتییگ حزبی، و لەناو ئاهەنگەگە خەڵات رێزگردن وە بەشیگ لە کارمەنە جیوازەیل پێشکەش کریا.

هەڤاڵ ئەبوبەکر پارێزگار سلێمانی، لە کۆنگرەیگ رۆژنامەوانی لەناو ئاهنگەگە و ئاژانس شەفەق نیوز ئامادەی بوی وت: ئەوەسا کۆبونەوەیگ وەگەر خاوەن کۆمپانیایل و کارەگەیل کریەێد ئەرا جیوەجیکردن ریکارەیل سڵامەتی و هەمیش ئەرا مسۆگەرکردن مافەیلیان ک لە یاسای عراقی چەسپیاگە، ک وەداخەو وەپی کار نێکریەێد، وتیش؛ چەوەڕی لە پەرلەمان کوردستان کەیمن واژوو لەبان ئەو یاسا بکەێد ک لەلایەن سەرۆکایەتی وەزیرەیل ئەرا زەمانەت و خانەنشینی خریاسە وەردەس، و دەسمیت بوود ئەرا بەرزەوکردن ئاست ژیان و گوزەرانی و خزمەتگوزاری ئەرا کارمەنەیل.

لەلای خوەییش، چالاک رەئووف وەڕێوبەر لق سلێمانی ئەرا یەکێتی کرێکاران کوردستان، لە کۆنگرەگە وت: پیرووزبایی لە گشت کرێکارەیل لە هەرێم کوردستان وە رووژ جهانییان کەیمن، و ئیمە ئمڕوو داوا لە حکومەت و پەرلەمان کەیمن یاسایگ ئەرا مقەیەتیکردن ئی چین کارکەر گرنگە لە کۆمەڵگا دانەێد، ک دەور گەورایگ لە بەرزەوکردن رەوش ئابووری و خزمەتگوزاری رانێد.

رەئووف داوا لە حکومەت کرد پشتگیری کارمەنەیل بکەێد و داواکاریەیلیان وەخاسەوکردن ئاست ژیان و گوزەرانی و خزمەتگوزاری هاووڵاتییەیل وەجی بارێد، وتیش؛ کرێکاران جوور چین گرنگیگ ئەرا پێشکەفتن ئابووری و کۆمەڵایەتی و دابینکردن خوازینەیل مقەیەتیکردن لە مەوقەی کاریان و قەرەبووکردنیان لە هەر زەرەدیگ یا مردن لەمەوقەی کار خوازن.

جی باسە؛ ک وەگورەی ئامارەیل یەکێتی کرێکاران کوردستان، ١٠ مردن ئەرا کارمەنەیل (٧ سلێمانی، ٣ هەولێر و دهۆک) لە شووین کارەیلیان لەوەر پابەند نەوین وە رینمایل سەڵامەتی لە ماوەی چوار مانگ گوزەیستە تۆمار کریاگە.

related

سلێمانی دەسکەێدە هەناردەی ئەنار ئەرا بریتانیا.. وێنە

Date: 2020-12-17 13:35:21
سلێمانی دەسکەێدە هەناردەی ئەنار ئەرا بریتانیا.. وێنە

سلێمانی.. خۆپیشاندانیگ لە وەردەم پەرلەمان کوردستان

Date: 2021-02-04 08:32:59
سلێمانی.. خۆپیشاندانیگ لە وەردەم پەرلەمان کوردستان

کازمی چەوی کەفێدە کشاورزەیل سلێمانی دویای پێشوازیکردنی وە خۆپیشاندانیگ

Date: 2020-09-11 10:50:33
کازمی چەوی کەفێدە کشاورزەیل سلێمانی دویای پێشوازیکردنی وە خۆپیشاندانیگ

دویای زەویلەرزەگە.. دوو لەرزە دەنە سلێمانی

Date: 2021-04-08 07:47:20
دویای زەویلەرزەگە.. دوو لەرزە دەنە سلێمانی

پێشەنگای ناودەوڵەتی سلێمانی ئەرا کتاو سوو چوارشەممە دەسکەێدەپی

Date: 2020-11-17 10:49:06
پێشەنگای ناودەوڵەتی سلێمانی ئەرا کتاو سوو چوارشەممە دەسکەێدەپی

تورکیا ئاواییگ لە سلێمانی بمباران کرد

Date: 2020-08-07 17:30:30
تورکیا  ئاواییگ لە سلێمانی بمباران کرد

سلێمانی.. گەردینیگ لە ناو گوزەیشتە

Date: 2021-01-05 06:01:31
سلێمانی.. گەردینیگ لە ناو گوزەیشتە

وێنە.. سلێمانی کەسیگ دەسگیر کەێد دوو ژن رفانیە

Date: 2021-02-14 08:24:30
وێنە.. سلێمانی کەسیگ دەسگیر کەێد دوو ژن رفانیە