گەوراپیاگ نەفت هاتە ژێر هێڵ داخواز ژن نوێنەر ئیلامی

Category: هــــه‌واڵ كــوردى

Date: 2021-01-12T20:28:27+0000
گەوراپیاگ نەفت هاتە ژێر هێڵ داخواز ژن نوێنەر ئیلامی

شەفەق نیوز- موهەندس بیژەن نامدار زەنگنە، وەزیر کوانەکار نەفت ئێران ک دە ئی کارە دە دنیا خوەێ خاون برەند و شێواز مدیرییەتێگە ئەڕا خوەێ، دۆماێ چەنی چەن ساڵ وادەێ درووکانی ئەڕا هاوردن مودیریەت شرکەت نەفت رووژئاواێ ئێران وە ئیلام، دەستوور دا شرکەت نەفت و گاز ئیلام، بخرێگە کار.

 ئی کارە وە خاتر پرسیاره‌یل دوکتور سارا فەلاحی، بییە و زەنگنە وەێ خاترە دەستوور داگە ک شرکەت نەفت و گاز ئیلام، له شرکه‌ت نەفت رووژئاوای ئێران جیاوە ببێگ و وە جیا دامەزرێ.

ئی دەستوورە لە قەرار بچووگە نام بوودجەێ ئمساڵ ئێران و سەقام بگرێگ تا وە پاگیرە کردن و کودداری دە بوودجە وەێ زووەێلە، ئی شرکەتە دە ئیلام دەس وە کار بکەێ.

ئەر وەزیر نەفت جواو خاس و دڵنیاکەرێ وە دۆت نوێنه‌ر ئیلامی نەدیاگا، ئی پرسیارییە دە سەحن پارڵمان ئێران، شوونگیری دکریا ک چوون دۆمادۆماێل دەوڵەتە و زەنگنەیش ها تەما ببێگە کاندیداێ سەرۆک‌کوماری ئێران ک ساڵێ تر دنرێ، هادەێ پارڵمان ئێران ک ها دەس رخنەگرەێل و هماڵەێل سیاسی دەوڵەت، لەق پایەێ وەزیر بکردان و هاتێ ئستیزاح وەزیریش هەم بکردا.

ئیلامییەیلە ئی دەستوور خاسە لە چاو دوکتور سارا فەلاحی دزاننەێ و جواو خاس داین وەزیر وەێ پرسیارییە، فرە ئەڕای نوێنەرەی ئیلام، خاس نیشتگە و رزامەندییەێل فرەیێگ ئەڕاێ هاوردگە.

هەرچەن بان نەوەد لە سەد نەفت رووژئاوای ئێران ها ئیلام و ئیلام سێیمیەکە دە لا مەڵوەنداری نەفت ئێران و دوێیمیەکە دە لا گاز ئێران یانێ چوارم پەنجم دنیاسە، باوجی چوون یەکمجار شرکەت نەفت ئێران و ئنگلیس، نەفت دە نەفت‌شار و خانەقین کردە دی و ئەوساییش کرماشان تەنیاشار رووژئاواێ ئێران بییە، فرە لە شرکەتەێل ناوچەئی ئێران دە کرماشان دامەزریانە و ئی دارێشتە تا ئێسە ماگەسەێ..

related

سێ‌شه‌مه‌ی ره‌ش ئیلام

Date: 2020-11-11 05:49:16
سێ‌شه‌مه‌ی ره‌ش ئیلام

ئیلام؛ دەوڵەمەنەگەێ ژار و هەژار

Date: 2021-01-08 18:28:58
ئیلام؛ دەوڵەمەنەگەێ ژار و هەژار

ئیلام، ره‌ش و ئیلامییه‌یل ره‌شپووش

Date: 2020-10-21 07:23:18
ئیلام، ره‌ش و ئیلامییه‌یل ره‌شپووش

وه‌نه‌وشک ئیلام، تامدار و پڕ له خاسی

Date: 2020-11-13 12:58:18
وه‌نه‌وشک ئیلام، تامدار و پڕ له خاسی

شاریگ فەیلی پلەی گەرمی پەیمانەییگ تۆمار کەێد

Date: 2020-07-28 10:12:27
شاریگ فەیلی پلەی گەرمی پەیمانەییگ تۆمار کەێد

ئامار نوویگ ئەرا تووشهاتنەگان کۆڕۆنا لە ئیلام فەیلی

Date: 2021-01-09 11:15:57
ئامار نوویگ ئەرا تووشهاتنەگان کۆڕۆنا لە ئیلام فەیلی

ئیلام فەیلی خەڵات ١٥ پاڵەوان کەێد جیوازی ناوخۆیی وناودەوڵەتی وەدەس هاوەردنە

Date: 2020-10-30 12:20:38
ئیلام فەیلی خەڵات ١٥ پاڵەوان کەێد جیوازی ناوخۆیی وناودەوڵەتی وەدەس هاوەردنە

سێ ملیوون ماسک به‌ڕانی ده ‌ئیلام کریا وه دی

Date: 2020-11-17 18:13:46
سێ ملیوون ماسک به‌ڕانی ده ‌ئیلام کریا وه دی