نێچیروان بارزانی و حەکیم دووپات لە کار هاوبەش ئەرا مقیەتیکردن ئارامی وڵاتەگە کەن
2023-10-10T12:38:39+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، لە دیداریگ لە شار هەولێر وەگەرد عەمار حەکیم سەرۆک رەوت حیکمە باس رەوش سیاسی و پەیوەندیەیل وەرد بەغداد و دانوسەنین چارەکردن گرفتەیل ناوەینیان کردن.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەردوگ لایەنەگە وەردەوامی گفتوگۆ ناوەین حکومەت هەرێم کوردستان و حکومەت فیدڕاڵی ئەرا چارەکردن گرفتەیل لە بنەمای دەستوور و رێککەفتنەیل سیاسی گرنگ و خوازیایە، و هەمیش دووپات لە گرنگی کار هاوبەش ناوەین لایەنەیل سیاسی ئەرا مقیەتیکردن ئارامی وڵاتەگە کردن.
بەیانامەگە وتیش: دویاترین نووەوبویەیل لە ناوچەگە وەشیوەی گشتی و چەن باوەتیگ ترەک خاوەن گرنگی لەلای هەردوگ لایەنەگە باسەیل ناو ئەو دیدارە بوین.
