هاوپەیمان حەکیم ئەنجامداین هەڵبژاردنەگە لە حوزەیران وەنەوین دانێد
شەفەق نیوز/ هاوپەیمان عراقیون وە سەرپەرشتی عەمار حەکیم، ئمڕوو چووارشەممە، ئانجامداین هەڵبژاردن ئایندە لە رووژە دیاریکریایەگەی وەنەوین دانا، لەوەر هووکارەیلیگ ''ئەمنی و دارایی و سیاسی''.
ئەسعەد مورشدی نوێنەر لە هاوپەیمانەگە ئەرا ئاژانس شەفەق نیوز وت: بەرزترین ریگرەگان لەنوای وەجیهاوردن هەڵبژاردن ئایندە خوەی ناته‌وانی سەرۆک وەزیرانە لە کۆنتڕۆڵ کردن چەک بەڕەڵا، وزیاتر لە ١٥٠ هەزار چه‌كدار و لایەنگری سیاسییان، وئەیە رەنجەیل و وخت فرە دریژیگ خوازێد، وەگەرد ئامادەنەوین کۆمسیۆن هەڵبژاردن دویای هەڵوەشاننی لە گشت پارێزگاگان و ئاڵشتکردن گشت ئەندامەگانی وهەمیش وەڕێوبەرەگان بەشەیل نووسینگەیل هەڵبژاردن لە پارێزگاگان.
مورشدی وتیش: وەگورەی رای کۆمسیۆنەگە، تا وەرجە ساڵ ونیمیگ یا دوو ساڵ توانای ئەنجام داینی نیە، چوونکە هەڵبژاردن زوینە وەرجە خوەی بایەسە هەڵوەشانن پەرلەمان بوود وە ریە دەستوریەگە وەگورەی مادەی ٦٤ لە دەستور عراق.
