نێچیروان بارزانی و بالیۆز تورکیا گفتوگو لەبان ئاسایش هەرێم و پەیوەنی دووانی کەن
شەفەق نیوز ـ هەولێر
سەرۆک هەرێم کوردستان، نێچیروان بارزانی، ئمڕوو پەنجشەممە، وەگەرد بالیۆز تورکیا لە عراق، ئەنیل بورا ئینان، گفتوگوکردن لەبان ئاسایش ناوچەگە و پەیوەنی دووانی ناوەین هەرێم و تورکیا.
لە بەیاننامەیگ سەرۆکایەتی رەسیە ئاژانس شەفەق نیوز راگەیان " نێچیروان بارزانی پیشوازی لە ئەنیل بورا ئینان و شاندەگەی هاوەلی کرد لە دیدارەگە گفتوگوکردن لەبان پەیوەنیەیل تورکیا وەرد عراق و هەرێم کوردستان، و بارودۆخ سیاسی لە عراق و ئەوزەڵداین هاوکاری دوانەیەیل، وە تایوەت لە مژارەیل ئابوری و بازرگانی".
هەردووگ لا دووپاتکردن لە گرنگی وەردەوامی هەماهەنگی لەپێناو پاراستن ئاسایش و سەقامگیری.
هەردووگ لا رای خوەیان لەبان بارودۆخ سیاسی هەرێم کوردستان و تەقەلایەیل و چارەسەر گیچەڵەیل ناوخوەیی نیشاندان، دووپاتکردن لە هەوەجەی گفتوگو و لەیکفامستن لەناوەین هەولێر و بەغدا ئەرا چارەسەرکردن گیچەڵ هەڵواسیاگەیل.
وتیش؛ "لە دیدارەگە گفتوگو کریا لەبان پرۆسەی ئاشتی لە تورکیا و دویا پیشهاتەیل هەرێمی، وەرد بارودۆخ ناوچەگە، و هەردووگ لا هاوڕابوین لەبان گرنگی چارەسەر ئاشتیانە ئەرا گیچەڵەیل و مەرافەل و پاراستن ئاسایش و سەقامگیری".
