ئیلام؛ دەوڵەمەنەگەێ ژار و هەژار

Category: هــــه‌واڵ كــوردى

Date: 2021-01-08T18:28:58+0000
ئیلام؛ دەوڵەمەنەگەێ ژار و هەژار

شەفەق نیوز- ئامارەیلە وەێجوورە ددەنە نیشان ک نوزدە و یەک دەهم خەڵک ئیلام هانە ژیر هێڵ ژاری و لە پانسەد و هەشتا ئاوایی پانسەد و هەفتا و هەشت گلە لەیان لە ورسییەری و کەمدەسی بریانەسە ژێر پووشێشت و هانای کومیتە‌ی ئمداد تا مانگ وە مانگ چشتێ وەیان بدرێ ک لە ورسی نەمرن.

ئایا ئیلام، وە راسی ئێقە ژارە؟

هەر ئەو ئامارەێلە دویشن: "نە".

ئیلام ژار خۆ نییە هیچ فرەیش دەوڵەمەنە.

ئیلام، دوێمین یا سێیمین نەفت ئێران دیرێ یانێ نزیکەێ نەفت کشوەر لیبی، دوێیمین گاز ئێران دیرێ یانێ دۆماێ قەتەر و رووسیە و ئێران، ئیلام هادەێ چوارمین گاز دنیا داشتووبێ.

دە تەنگ بیچار ئیلام ئێقەرە گاز هەسە ک دتوانێ هەر رووژان هەفت ملیوون متر موکەعەب گاز لە ژێر زەمینەێ بدەرارن دەر و بفرووشن، ئێقە گاز دیرێ ک گشت زەمین ناوچەێ چەوار و چەکەر و باولی، دە گوڵە گوڵەێ جیێ ئاگر لەێ بڵووزە دکەێ؛ خوەێ ئەڕا خوەێ.

 وە کوردی وەێ ئاگرە دویشن (ئاگرواژ / ئاگرواچ). 

ئیلام، یەکێ لە خاسترین خاکەێل دنیا دیرێ، هەم ئەڕا کێشت و کاڵ، هەم ئەڕا ئاجڕسازی.

سی و هەفت مەڵوەن بیتوومین ها دە ئیلام ک هە خام فرووشی دکەن، هێمان ک هێمان ئێران دیرێ وە توناژ لەێ بیتوومینە دفرووشێ ئمجا وە گرەم گرەم و جگ جگ دوارە دسینێگەێ، هە وەو پوول و پارە، خاسە بزانن ک ئێران، دۆمای کانادا و ئامریکا، فێشترین مەڵوەنەێل بیتوومین دیرێ ک گشتێ هانە نام ناوچەێێگ 250 کیلوومتری، وە دریژایێ له گیه‌ڵان کرماشان تا ئیلام.

ئیلام چوار وەرزە و کێشت و کاڵ دە ئیلام، هێمان گەشە وەێ نەدریاگە.

ئیلام، یەکێ لە پڕترین دارسانەێل و بەڕووسانەێل و چرووینەێل ئێران دیرێ وەو کەش و کێوەێل و کەژ و هەواێ گەرم و خوەشە ئوو دە تاکمەجیێ وەفرینە و پڕ لە وەفرئاوان باوجی ئاخین و داخینە ک هیچ بەشێ لە ئکوتووریسم و دەرئامەگەێ نەدیرێ، تووریسم تاریخییش ئەڕا ئیلام نەدیاێ.

ئیلام، چوار سەد و بیس کیلوومتر سنوور ئەمناک وەرد عراق دیرێ ک هە لە پەڕ سنوور تا وە بەغدا، بەشێ لە بازاڕ و رێ و لارێ ئی هنازە ها وە دەس ئامووزاوەزا و خاڵووزاوەزا و میمی‌زاوەزاێل کورد فەیلی ئیلامییەێلە خوەیان، وە داخەوە ک لە هیچ کام لەێ پتانسییەێلە وەو چوونە ک شایسە و بایسەسە ، هیچ ئستفادەیێگ نەدیرێ ئەڕا وڵات.

دە دنیا کەمتر وڵاتێ هەسە ک ئێقەرە هەم دەوڵەمەن ببێ، هەم ژار و هەژار.

related

شاریگ فەیلی پلەی گەرمی پەیمانەییگ تۆمار کەێد

Date: 2020-07-28 10:12:27
شاریگ فەیلی پلەی گەرمی پەیمانەییگ تۆمار کەێد

دوئل ژن و پیاگێگ کورد

Date: 2021-01-11 19:46:55
دوئل ژن و پیاگێگ کورد

ئیلام فەیلی خەڵات ١٥ پاڵەوان کەێد جیوازی ناوخۆیی وناودەوڵەتی وەدەس هاوەردنە

Date: 2020-10-30 12:20:38
ئیلام فەیلی خەڵات ١٥ پاڵەوان کەێد جیوازی ناوخۆیی وناودەوڵەتی وەدەس هاوەردنە

وه‌نه‌وشک ئیلام، تامدار و پڕ له خاسی

Date: 2020-11-13 12:58:18
وه‌نه‌وشک ئیلام، تامدار و پڕ له خاسی

تووشهاتنەگان ئیلام لە ٨٣٠٠ رەدکەن

Date: 2020-08-31 14:13:13
تووشهاتنەگان ئیلام لە ٨٣٠٠ رەدکەن

گەوراپیاگ نەفت هاتە ژێر هێڵ داخواز ژن نوێنەر ئیلامی

Date: 2021-01-12 20:28:27
گەوراپیاگ نەفت هاتە ژێر هێڵ داخواز ژن نوێنەر ئیلامی

چل و دو کیلوومتر ده‌و ئه‌ڕا چل و دو رووڵه‌ی کار

Date: 2020-10-31 07:10:25
چل و دو کیلوومتر ده‌و ئه‌ڕا چل و دو رووڵه‌ی کار

سێ ملیوون ماسک به‌ڕانی ده ‌ئیلام کریا وه دی

Date: 2020-11-17 18:13:46
سێ ملیوون ماسک به‌ڕانی ده ‌ئیلام کریا وه دی