كووچکردن یەدولڵا فەیلێ وەزیر وەرین لە حکومەت هەرێم و سەرکردە لە پارتی

Category: هــــه‌واڵ كــوردى

Date: 2022-09-20T07:14:19+0000
كووچکردن یەدولڵا فەیلێ وەزیر وەرین لە حکومەت هەرێم و سەرکردە لە پارتی

شەفەق نیوز/ یەدولڵا کەریم فەیلی وەزیر وەرین لە حکومەت هەرێم کوردستان وئەندام دەسەی مەرکەزی لە پارتی دیموکراتی کوردستان، شەو دووشەممە، لە تەمەن ٨٨ ساڵی، لە شار هەولێر، دویاکووچی کرد.

فەیلی لەوەر خراوبوین رەوش تەندروسیی، خریا ژیر چەودیری هویرد لە خەسەخانەی رزگاری لە هەولێر، وەلێ گیانی لەدەسدا.

عەبدولکەریم موڕاد فەتحولڵا ک ناسیایە وە "یەدولڵا فەیلی" لە ساڵ  ١٩٣٤ لە بەغداد پایتەخت لەداڵگبویە، لە ئامادەیی بازرگانی دەرچگ، لە ساڵ ١٩٥٠ کەفتە رزەیل پارتی دیموکراتی کوردستان وبویە یەکەم مەندووب یەکێتی گەنجەیل دیموکراتی کوردستانی، و لە دامەزرەیلی بوی لەساڵ ١٩٥٣، و لەساڵ ١٩٥٧ بویە وەرپرس دەسەی خۆجێی پارت دیموکراتی کوردستان لە بەغداد.

لە ساڵ ١٩٥٩ بویە مەندوب کۆنفرانس دویەم لە پارتی دیموکراتی یەکگرتگ کوردستانی، و لە کۆنگرەی پەنجەم ئەرا پارتی دیموکراتی کوردستان لە ساڵ ١٩٦٠ هەڵوەژیا جویر ئەندام دەسەی وەشکین و چەودیریکردن باڵا و یاوەر لق پەنج حزبەگە، و لە ساڵ ١٩٦٣ وەلایەن "حەرەس قەومی" زیندانی کریا و ئەرا مردن شکەنجەی دریا، و لەو وەختە وە "پاڵەوان کوردستان" ناسریا، و لە ساڵ ١٩٦٤ لە کۆنگرەی شەشەم حزبەگە بویە ئەندام دەسەی مەرکەزی.

لە ساڵ ١٩٦٥، بویە وەرپرس لق پەنج و ئەندام نویسینگەی سیاسی حزبەگە، و لەساڵ ١٩٧٢ پۆست سەرۆک گەنجەیل دیموکراتی کوردستانی لە کۆنگرەی دویەمی وەگرد.

رەحمەتی بویە وەزیر کاروبار هەرێم لە چوارەم کابینەی حکومەت هەرێم کوردستان لەساڵ ٢٠٠١.

related

وینە.. نمازخوەنین و خاکسپاردن رەحمەتی یەدولڵا فەیلی لە هەولێر

Date: 2022-09-20 09:59:35
وینە.. نمازخوەنین و خاکسپاردن رەحمەتی یەدولڵا فەیلی لە هەولێر

مەسعود بارزانی سەرەخوەشی لە بنەماڵەی یەدولڵا فەیلی کەێد

Date: 2022-09-22 13:49:04
مەسعود بارزانی سەرەخوەشی لە بنەماڵەی یەدولڵا فەیلی کەێد