سەرۆک هەرێم کوردستان: ٣٢٥ هەزار ئێزیدی هانە ناو کامپەیل ئاوارەیی و ١٠٠ هەزاریان هانە دەیشت وڵاتەگە

Category: هــــه‌واڵ كــوردى

Date: 2022-08-03T08:44:51+0000
سەرۆک هەرێم کوردستان: ٣٢٥ هەزار ئێزیدی هانە ناو کامپەیل ئاوارەیی و ١٠٠ هەزاریان هانە دەیشت وڵاتەگە

شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، وت: سەدان هەزار لە کورد ئێزدی هانە ناو کامپەیل ئاوارەیی، یا وەرەو وڵاتەیلیگتر کووچ کردن لەوەر ئەو پەلامارە ک ریخریاگ داعش لەبان ناوچەیلیان لە قەزای شنگال جیوەجی کرد.     

سەرۆک نێچیروان بارزانی لە وتاریگ لە ناحیەی سمێل لە دهۆک وە بوونەی هەشتەمین ساڵیاد ئەو جینۆسایدە ک ئێزدیەیل کەفتنە وەری، وت: هیمان ٣٢٥ هەزار ئێزیدی هانە ناو کامپەیل ئاوارەیی، و ١٠٠ هەزار لەلیان وەرەو دەیشت وڵاتەگە کووچ بردنە.   

باس قویلی زیان ئێزدیەیل لە ساڵ ٢٠١٤ کرد دویای داگیرکردن ناوچەی شنگال لەلایەن داعش، وتیش: پەیمان وەخوەمان دایمنە کار ئەرا دەسمیەتی ئێزدیەیل بکەیمن تا رفیایەیلیان ئازاد بکەیمن، و توەنستیمن ٣٥٤٤ رفیای لە چنگ داعش ئازاد بکەیمن. وکار ئەرا رزگاردن ئەوەکان کەیمن.   

سەرۆک هەرێم کوردستان هەمیش داوای هاوکاری وەرد نویسینگەی باوەت رفیایەیل ئێزدی لە دهۆک کرد ئەرا کارکردن لە رزگارکردن ئەوانەگ مەننە. 

هەمیش باس لە سوپاسی ئەرا خەڵک دهۆک کرد ئەرا ئەو دەسمیەتیەیلە ک لە مەوقەی ئەو قیرانە ک ئێزدیەیل کەفتنە وەری پیشکەشی کردن، و وتیش: سەرۆک مەسعود بارزانی پەیمان وە ئازادکردن شنگال دا، و وە خوین پێشمەرگە پەیمانی وەجی هاورد.    

سەرۆک نێچیروان بارزانی هەمیش سوپاس دەوڵەتەیل هاوپەیمان ناودەوڵەتی دژ وە ریخریاگ داعش وە سەرپەرشتیاری ئەمریکا کرد ئەرا دەسمیەتیی لە ئازادکردن شنگال لە چنگ داعش، و لەخود وەختەگە داوا لە ریخریایل ناودەوڵەتی کرد دەسمیەتی لە دووارە ئاوەدانکردن شنگال پیشکەش بکەن، وتیش: دەسمیەتی شنگال ئەرکیگە یاسایی ورەوشتی لەبان کۆمەڵگای ناودەوڵەتی.   

related

سەرۆک هەرێم کوردستان چەوی کەفێدە سەرکردەیل "گۆڕان" لە سلێمانی

Date: 2022-05-22 13:38:45
 سەرۆک هەرێم کوردستان چەوی کەفێدە سەرکردەیل "گۆڕان" لە سلێمانی

نێچیروان بارزانی: بایەتە وەخاتر مقەیەتیکردن دەسکەفتەیل یەکڕز بۊمن نەگ ئەرا پۆست

Date: 2022-02-15 15:08:15
نێچیروان بارزانی: بایەتە وەخاتر مقەیەتیکردن دەسکەفتەیل یەکڕز بۊمن نەگ ئەرا پۆست

باڵوێز بەریتانیا وە گەردینیگ وەرد سەرۆک هەرێم کۆتایی وە ئەرکەیلی تیارێد

Date: 2021-06-27 14:08:13
باڵوێز بەریتانیا وە گەردینیگ وەرد سەرۆک هەرێم کۆتایی وە ئەرکەیلی تیارێد

نێچیروان بارزانی لە پیشوازیکردن لە تەرم کوڕ "قازی محمد": هەمیشە وەگەرد هووڵ گەلی بوی

Date: 2022-07-18 08:38:10
نێچیروان بارزانی لە پیشوازیکردن لە تەرم کوڕ "قازی محمد": هەمیشە وەگەرد هووڵ گەلی بوی

وەسەرپەرشتیاری نێچیروان بارزانی دەسکریا گردەوبۊن سەرۆکایەتیەیل هەرێم

Date: 2022-02-28 09:08:13
وەسەرپەرشتیاری نێچیروان بارزانی دەسکریا گردەوبۊن سەرۆکایەتیەیل هەرێم

بايدن پەیامیگ ئەرا نێچیروان بارزانی کل کەێد

Date: 2022-03-30 13:26:17
بايدن پەیامیگ ئەرا نێچیروان بارزانی کل کەێد

لە دۊیاترین رووژ سەردانەگەی.. نێچیروان بارزانی لە لەندەن چەوی کەفێدە بین زاید

Date: 2021-09-18 08:41:22
لە دۊیاترین رووژ سەردانەگەی.. نێچیروان بارزانی لە لەندەن چەوی کەفێدە بین زاید

نێچیروان بارزانی دووارە مکیس ئەرا گفتوگۆ لە هەولێر کەێد

Date: 2022-08-02 12:42:17
نێچیروان بارزانی دووارە مکیس ئەرا گفتوگۆ لە هەولێر کەێد