ساندیکای کادرە پزشکیەگان لە سلێمانی: بیمارەیلیگ لەوەر بیاکۆتکردن پزشکەیل مردن

Category: هــــه‌واڵ كــوردى

Date: 2020-08-19T08:15:31+0000
ساندیکای کادرە پزشکیەگان لە سلێمانی: بیمارەیلیگ لەوەر بیاکۆتکردن پزشکەیل مردن
شەفەق نیوز/ هاوژین عوسمان وەرپرس ساندیکای کادرە پزشکیەگان، ئمڕوو چوارشەممە، راگەیان ژمارەیگ لە بیمارەگان مردن لەوەر دابڕین پزشکەیل وکارمەنەیل لە چین تەندروسی لە دەوام فەرمی لە پارێزگاگە و ناوچەیل دەورگردی، وداوا لە حکومەت هەرێم کوردستان کرد بڕەسێدە هەڵوێستەگە و رزگار رەوشە تەندروسیە خراوەگە بکەێد.
عوسمان لە کۆنگرەیگ رۆژنامەوانی وت: رەوش تەندروسی لە سلێمانی لەلایەن دارایی فرە خراوە، وکادرەگان و پزشکەگان هانە رووژ وگوزران سەختیگ، ک لە ٥٠ رووژەو مووچە وەرنەگردنە و ئی ساڵە تەنیا دوو مووچە وەرگردنە.
وتیش خەسەخانە حکومەتیەگان بایکۆت لەدەوامەگەیان هەس، یا ئەوەیگ دەوام کەێد ئەرا وەختەیل فرە کەمیگ دەوام کەێد، و خەسەخانەیگ وەگەورایی ''شار'' پێشکەشنەکردن خزمەتیەگان وەخوەی دوینێد ئەرا ئەو بیمارەیلە ک هانە ژیر هەڕەشەی مردن.
عوسمان وتیش: دویەکە لە خەسەخانەی مناڵبوون لە سلێمانی لەوەر نەمەنی خزمەت پزشکی مناڵیگ مرد و هەمیش داڵگەگی هالە مەترسی، وژمارەیگ لە بیمارەگان لەوەر بایکۆتکردن کادرە تەندروسیەگان مردن، ک لە راگەیانن باسی نەکریا.
لەلای خوەییش دکتۆر شەڤان وەرپرس پزشکەیل سلێمانی وت: ژمارەمان ١٠٠٠ پزشکە لە خەسەخانەو ناوەندە تەندروسیەگان لە کۆیە تا کفری کارکەیمن، ورەووش تەندروسی لە سلیمانی وەگشتی ودەورگردی هەر لە هەڵەبجە و ئیدارەیل گەرمیان وراپەڕین وەرەو خراوی چوود، وکەس بڕوا وەخەسەخانەگان و ناوەندە تەندروسیە حکومەتیەگان نەرێد، وبەش بیمارەگان نێەکەن، وەتایبەت سلێمانی خەسەخانەی شار ک هیچ پزشکیگ لەناوی نیشتەجی نیە.
پزشکەگە وەرپرسایەتی ئی رەوشە خستە بان حکومەت هەرێم کوردستان لەوەر وەجینەهاوردن داواکاریەیلیان، وداواکرد خەرج پویلەگان بکەن ئەرا رزگارکردن خەسەخانەگان ک چینە هەژارەگە پەنا وەپیان بەێد، وتیش: هەر خەسەخانەیگ بووەسیەێد ٦ مانگ وەپی چوود تا دووارە بکریەێدەو.
وداواکرد لە زویترین وەخت خەرج مووچەگان بکریەێد یا بیمەیگ ئەرایان تەرخان بکریەێد تا ئەوەنە مووچەیلیان خەرج کریەێد، تا خزمەتگوزاریە تەندروسیەگە لە خەسەخانەگان نەوسیەێدەو، ک هەزارەگان پەنا ئەرایان بەن.

related

بەسین ٤ فەرمانگەی ئەحوال لە سلێمانی ئەرا دەسکردن وە دەرکردن کارت نیشتمانی

Date: 2020-09-28 09:32:32
بەسین ٤ فەرمانگەی ئەحوال لە سلێمانی ئەرا دەسکردن وە دەرکردن کارت نیشتمانی

پلازمای سلێمانی وهەڵەبجە رزگار تووشهاتگەیل کۆرۆنای هەولێر کەێد

Date: 2020-08-17 09:54:16
پلازمای سلێمانی وهەڵەبجە رزگار تووشهاتگەیل کۆرۆنای هەولێر کەێد

سلێمانی جوولەی زوینەیگ کەێد ئەرا کەمەوکردن مردگەیل فرەوەبوی کۆڕۆنا

Date: 2020-10-07 10:31:51
سلێمانی جوولەی زوینەیگ کەێد ئەرا کەمەوکردن مردگەیل فرەوەبوی کۆڕۆنا

سلێمانی دەسەڵات دەوام نۆڕەیی دەێدە فەرمانگە حکومەتیەگان بەڵکم وەمەرجیگ

Date: 2020-09-06 10:11:50
سلێمانی دەسەڵات دەوام نۆڕەیی دەێدە فەرمانگە حکومەتیەگان بەڵکم وەمەرجیگ

خەسەخانەیگ تایبەت وە تووشهاتگەیل کۆرۆنا لە هەرێم کوردستان چووڵەەوبوی

Date: 2020-07-25 15:46:51
خەسەخانەیگ تایبەت وە تووشهاتگەیل کۆرۆنا لە هەرێم کوردستان چووڵەەوبوی

دویای ٩ رووژ.. مردن خۆپیشاندەریگ لەوەر زەخمەگانی لە پارێزگای سلێمانی

Date: 2020-12-18 08:09:17
دویای ٩ رووژ.. مردن خۆپیشاندەریگ لەوەر زەخمەگانی لە پارێزگای سلێمانی

زەویلەرزەیگ دەێدە شاریگ لە سلێمانی

Date: 2021-02-13 11:05:01
زەویلەرزەیگ دەێدە شاریگ لە سلێمانی

وێنە.. ئاژاوە و چشت شکانن لە وەردەم پەروەردەی سلێمانی

Date: 2021-04-21 09:42:13
وێنە.. ئاژاوە و چشت شکانن لە وەردەم پەروەردەی سلێمانی