زەخمداری دوو کەس وە رویداو هاتوچو لە کەلار و دەسگیرکردن دویاترین توومەتبار وە سزانن بازاڕەیل هەرێم
شەفەق نیوز/ سەرچەوەیگ ئەمنی لە هەولێر، ئمڕوو جمعە، خەوەردا لە زەخمداری دوو کەس لە ئەنجام رویداویگ هاتوچو لە قەزای کەلار، لە وەختیگ هیزەیل ئەمنی کوردستانی دوو توومەتبار وە سزانن بازاڕەیل لە هەرێم کوردستان وەرگرد، کە لە بەغداد بەندی کریاوێن.
سەرچەوەیگ ناوخوەیی ئەرا ئاژانس شەفەق نیوز وت: پیاییگ لەناو تەمەن هەفتا ساڵە و گەنجیگ لەناو تەمەن بیس ساڵان، تویش رویداویگ هاتوچو لە شار کەلار لە ئیدارەی گەرمیان هاتن و زەخمدار بوین.
وتیش: زەخمدارەیل ئەرا خەسەخانە بریان.
لەلاییگ ترەک، سەرچەوەیگ ئەمنی کوردستانی ئەرا ئاژانس شەفەق نیوز وت: هیزەیل ئاسایش لە هەرێم کوردستان دوو توومەتبار وە سزانن بازاڕەیل لە هەرێم کوردستان لە بەغدادەو وەرگردن.
دیاری کرد کە ئەو توومەتبارەیلە لەبان سزانن بازاڕەیلیگ لە شارەیل هەولێر و دهۆك و کەرکوک دەسگیر کریان، کە گومان لە شەش کەس بوی دەسیان لەناو رویداوەیل سزانن بوود، و تا ئیسە چوار کەس لەلییان وەلایەن هیزەیل فیدراڵی دەسگیر کریان، و هیزەیل ئاسایش لە هەرێم کوردستان چوارەمەگە دەسگیر کردن.
وتیش: لیست توومەتبارەیل (رەنج حەبيب سوراب) کە لە هەولێر دەسگیرکریا، و(محمد نەجات) کە فەرمانبەرە لە دەزگای دژە تیرۆر یەکێتی و(هونەر فەخرەدين)، وەگەرد توومەتباریگ ترەک لە دەیشت پارێزگایل هەرێم کوردستان.
دیاری کرد کە دووان لە توومەتبارەیل کورد دریانە دەس هیزەیل ئاسایش لە هەرێم کوردستان، و ئیرنگە لە هەولێر بەندی کریانە، و یەکیگیش لەلییان لە بەغداد لێکۆڵینەوە وەگەردی کریەێد.
