حکومەت هەرێم کوردستان  پۊیل ئەرا چارەی قەیران خوەنەوارەیل تەرخان کەێد

Category: هــــه‌واڵ كــوردى

Date: 2021-11-24T14:44:01+0000
حکومەت هەرێم کوردستان  پۊیل ئەرا چارەی قەیران خوەنەوارەیل تەرخان کەێد

شەفەق نیوز/ ئەنجومەن وەزیرەیل هەرێم کوردستان،  ئمڕوو چوارشەممە،  دانیشتن ئاسایی خوەی وە سەرۆکایەتی مەسرور بارزانی سەرۆک ئەنجومەن وەزیرەیل و ئامادەبۊن قوباد تاڵەبانی جێگر سەرۆک وەزیرەیل ئەنجام دا.    

ئەنجومەنەگە بڕیار دا پۊیل ئەرا وەزارەت خوەنستن باڵا و تۊەژینەوەی زانستی تەرخان بکریەێد،  ئەرا خاسەوکردن رەوش خوەنەوارەیل بەشەیل ناو، ئەوەیش دۊیای چوار رووژ لە ناڕەزایی لە سلێمانی و شارەیلیگ تر.        

لە دانیشتنەگە، سەرۆک ئەنجومەن وەزیرەیل باس رووژ ناودەوڵەتی تونوتیژی دژوە ژنەیل کریا، ک لەفێدە ٢٥ تەشرین دۊیەم، و باس  گرنگی بەشداریکردن شاند هەرێم کوردستان لە لووتکەی مەنامە کرد.                      

لە کۆبونەوەگە، باس گەشەیل سیاسی عراق دۊیای هەڵبژاردن،  و پەیام هەرێم کوردستان ئەرا لایەنە سیاسیەیلە لە گرنگی دایەلۆگ ئاشتەوایی کریا.          

لە بەش دۆیەم دانیشتنەگە،  ئەنجومەن وەزیرەیل باس باوەت ناڕەزای خوەنەوارەێل زانکۆ و پەیمانگایل کریا، ئیجا ئارام محمد قادر وەزیر خوەنستن باڵا و تۊەژینەوەی زانستی نووڕستە باوەتەگە، و دۊیای باسکردنیگ لەلی، ئەنجومەن وەزیرەیل بڕیاربخا پاڵپشتی وەزارەت خوەنستن باڵا و تۊەژینەوەی زانستی بکەێد، ئەرا خاسەوکردن نەشەیل ناوی و رەوشەیل خوەنەوارەیل، ک ئەنجومەن وەزیرەیل تەمەی هێزەیل چالاکی مەدەنی وە مسۆگەرکردن ماف لە خۆپیشاندان ئاشتەوایی خوەنەوارەیل دۊر لە تونوتیژی، لە خود وەختەگە وە سەختترین قسەیل شەرمەزار سووکایەتی وە پیرووزەیل هەرێم کوردستان و پەرچەم کوردستان لەلایەن چەن کەسیگ کەێد، و هەمیش دەسدرێژی و سووکایەتی وە هێزە ئەمنییەیلە،  و ویرانکردن و خراوکردن دامەزراوەیلە.  

لە بەش سێیەم کۆبونەوەگە،  وەرپرس فەرمانگەی پەیوەندیەیل دەرەکی سەفین دزەیی،  باس تەقەلایل حکومەت هەرێم کوردستان ئەرا چارەکردن باوەت کووچبەرەیل لەبان سنوور بیلارووسیا و پۆلەندا کرد، و گلەوداینیان ئەرا هەرێم کوردستان.          

لە بەشیگ تر لە دانیشتنەگە،  عەبدولڕەحمان سەدیق سەرۆک دەزگای ژینگەپارێزی و خاسەوکردن ژینگە لە هەرێم کوردستان،  راپۆرتیگ گشتگیر لە رەوش ژینگەی هەرێم خستە وەرچەو، و ئەنجومەن وەزیرەیل دووپات لە گرنگی مقەیەتیکردن ژینگە لە گشت پێکاتەیلی کرد، چۊینکە باوەتیگ ناودەوڵەتی گرنگە، و جی گرنگی حکومەت هەرێمە، ئەراوە بڕیار رینماداین وە گشت وەزارەتەیلە دریا هاوکاری دەزگای ژینگەپارێزی بکن.    

related

دەسەی باڵای نواگردن کۆرۆنا بڕیار نوو دەرکرد

Date: 2021-10-25 10:50:10
دەسەی باڵای نواگردن کۆرۆنا بڕیار نوو دەرکرد

رانندەی ماشینەیل ری کەلار – سلێمانی بڕن

Date: 2021-10-20 09:40:13
رانندەی ماشینەیل ری کەلار – سلێمانی بڕن

خۆپیشاندان خوەنەوارەیل سلێمانی رەسێدە هەڵەبجە و دوو ئیدارە

Date: 2021-11-22 09:46:41
خۆپیشاندان خوەنەوارەیل سلێمانی رەسێدە هەڵەبجە و دوو ئیدارە

ئەرا رووژ سێیەم خوەپیشاندان لە سلێمانی وەردەوامە

Date: 2021-11-23 08:46:31
ئەرا رووژ سێیەم خوەپیشاندان لە سلێمانی وەردەوامە

ئەرا دۊیەم رووژ خوەپیشاندان لە زانکۆی گەرمیان لە خانەقین

Date: 2021-11-24 08:49:11
ئەرا دۊیەم رووژ  خوەپیشاندان لە زانکۆی گەرمیان لە خانەقین

دۊیاخستن ناڕەزایی خوەنەوارەیل سلێمانی

Date: 2021-11-25 10:01:11
دۊیاخستن ناڕەزایی خوەنەوارەیل سلێمانی

وەزیر پەروەردەی هەرێم گریەی وازکردن مەکتەوەیل دویای جەژن وە کاریگ دەێد

Date: 2021-05-02 08:42:58
وەزیر پەروەردەی هەرێم گریەی وازکردن مەکتەوەیل دویای جەژن وە کاریگ دەێد

٥٠٠٠ خوەنەوار لە مەکتەوەیل کوردستان لە خانەقین ئەرا دەوام تێانەو

Date: 2021-05-17 09:55:39
٥٠٠٠ خوەنەوار لە مەکتەوەیل کوردستان لە خانەقین ئەرا دەوام تێانەو