چەم کوفە زیارەتکاریگ ئیرانی خنکنێد

لە بەیاننامەیگ پۆلیس رەسیە ئاژانس شەفەق نیوز راگەیان، "زانیاری رەسیە کەسیگ لەناو چەم کوفە نوقومبویە، دەسوەجی مەفرەزەیل دەریاوانی  رویکردنەس شوین رویداوەگە و تیمیگ ژیردەریاوانی پۆلیس دەریاسی لەدویایی کوڵەوشین لە قویڵایی چەم تەرم ئیرانیگ نوقومبوی پەیاکردن".

دیاریکرد "لەبان ئەوەگ هووشداری دریاس لەوەگ لەو شوینە مەلەکردن مەترسیدارە و بیوەێ نییە لەرێ فلیمەیل هۆشیاکاری ئەرا هاوڵاتیەیل و داوا لەلیان کرێد مەلەنەکەن باوجی وەداخەو بڕیگ گەنجەیلمان گیان لەدەسدەن لەوەرپابەندنەبوین وە رێنمایەیل".