لەڕی 5 دووڵ.. لافاوەیل ئیران وەرەو خوەرهەڵات دیالە داوەزن
2024-03-19T08:58:43+00:00
شەفەق نیوز/ وەڕێوەبەر ناحیەی قەزانیە سەر وە پارێزگای دیالە مازن ئەکرەم، ئمڕوو سێشەممە، راگەیان لەڕی 5 دووڵ لافاو لە سنوور ئیرانەو وەرەو خوەرهەڵات پارێزگاگە تێد.
ئەکرەم وە ئاژانس شەفەق نیوز وت "واران وارین لە قەزانیە خاس بوی رەسیە 28ملم و لافاوەیل سنوور و بەرزایەیل ئیران وەرەو ناوچەیل قەزانیە خوەرهەڵات دیالە هات هەمیش شەپوولەگە رەسیە ناوچەیل مەندەلی".
وتیش "ئیرنگە لافاوەیلە وە 5 دوول رشێد کە بریتین لە مەویلح و تەهلاو و لیما و تەرسق گەپ و تەرسق بویچگ و وەرەو ناوچەیل کشاوەرزی کلکریەن تا سوود لەلی وەربگیرێد.
دیاریکرد "هویچ مەترسیگ یان زەریگ نییە وەبان ئاوایەیل لەوەر لافاوەگە باوجی ناوچە سنووریەگان وەرد گشت واران وارینیگ هانە ئامادەباشی ئەرا هەر پسایگ لەناوکاو".
