عراق خوازێد مانگ دەسکرد دروس بکەێد

Category: هــــه‌واڵ عــیراق

Date: 2022-01-12T07:03:00+0000
عراق خوازێد مانگ دەسکرد دروس بکەێد

شەفەق نیوز/ وەزارەت پەیوەندییەیل عراق وردەکاری نوویگ لەباوەت دروستکردن مانگ دەسکرد عراقی "سەتەلایت" خستە وەرچەو، و باس  گرنگترین سوودەیلی  ئەرا وڵاتەگە کرد.

رەعد مەشھەدانی قسەکەر وەزارەت پەیوەندییەیل عراق ئاشکرا کرد، تا ۆیسە چەن کۆمپانیای عراقی عەرەوی و ناودەوڵەتی بوار دروسکردن و  مانگە دەسکردەیلە داواکارییان پێشەکەشکردگە وە وەزارەت پەیوەندییەیل عراق. 

باس ئەوەیشکرد ک لەماوەی گوزەشتە کۆمپانیای دروسکردن (مانگ دەسکرد) سەتەلایت فەرەنسی وەناو ئێرباس سەردان وەزارەتەگە کردیە و داواکارییگ پێشکەش کردیە ئەرا دروسکردن مانگ دەسکرد عراقی.    

باسی لەوەیش کرد، چەن کۆمپانیایگ میسریش وە خود شوە داواکاری پێشکەش کرنە ئەرا دروسکردن مانگ دەسکرد عراق جۊر بەشیگ لە رێکەوتننامەی ستراتیجی ناوبەین سێ وڵات (عراق، ئەردون، میسر) ئەراوە ری سوودگردن لە شارەزایی پسپۆڕەیل میسری و فەڕەنسی و تەواوی کۆمپانیایلە وەربگیرێد.    

وتیش تا ئیسە بڕی خەرجکردن دروسکردن مانگ دەسکرد عراقی دیاری نەکریاگە لەوەر ئەوە ک تا ئیسە دەر داواکاری وازە و کۆمپانیایلە ئۆفەرەیل خوەیان پێشکەش کەن. 

related