دەسگیرکردن و وەشوینکەفتن ١٠ کەس وە نۆرە دەسدرویژی سێکسی لەبان کوڕیگ کردنە لە بەغدا
2024-07-28T12:04:04+00:00
شەفەق نیوز/ سەرچەوەیگ لە پولیس عراق، ئمڕوو یەکشەممە، خەوەردا لە دەسگیرکردن کەسیگ کە وەگەرد ١٠ کەس ترەک دەسدرویژی سێکسی لەبان کوڕیگ کردنە لە شار سەدر خوەرهەڵات بەغداد.
سەرچەوەگە ئەرا ئاژانس شەفەق نیوز دیاری کرد کە ئەو کەسە دەسگیر کریا کە دەسدرویژی سێکسی لەبان گەنجیگ لەداڵگبوی ساڵ ١٩٩٨ لەناو کویچەیگ لە ناوچەی کەسرە و عەتەش کردیە وە بەشداری ١٠ کەس ترەک، وەگورەی قسەی ئەو کوڕە کە کە کەفتیەسە وەر دەسدرویژی.
سەرچەوەگە وتیش: ئەو کوڕەگە کە دەسدرویژی لەبانی کریاس و هەمیش ئەو کابرای تاوانبارە بەندی کریان تا ریکارەیل یاسایی تەواو بوود، و هیزەیل ئەمنی کەفتنە مینەی ئەو نوومەتبارەیل
