تەندروسی عراق هووشداری نوویگ دەێد: خاسەوبویەگان لە کۆڕونا واز لە ریکارە مقەیەتیەگان هاوردن

Category: هــــه‌واڵ عــیراق

Date: 2020-11-20T11:17:22+0000
تەندروسی عراق هووشداری نوویگ دەێد: خاسەوبویەگان لە کۆڕونا واز لە ریکارە مقەیەتیەگان هاوردن

شەفەق نیوز/ وەزارت تەندروسی وژینگەی عراق، ئمڕوو جمعە، دووارەی هووشداریەگەی کرد لە خەمسەردی گەورایگ لەلایەن هاووڵاتییەگان لە نا پابەندی وە رینماگان وریکارە مقەیەتیەگان لە ڤایڕۆس کۆڕۆنا، وجەختکرد لە گرنگی وەکارهاوردن دەمامەک لەلایەن خاسەوبویەگان لە ڤایڕۆس کۆڕۆنا.

وەزارەتەگە لەبەیانامەیگ ئمڕوو وت: هیمان خەمسەردی گەورایگ لەلایەن هاووڵاتیبەگان  وە ریکارە مقەیەتیەگان هەس، و پابەند نیین وە رینما تەندروسیەگان، وەتایبەت لە وەکارنەهاوردن دەمامەک، و جیوەجی نەکردن دویرەوکەفتن کۆمەڵایەتی، وبەشداربوون لە گردەوبوینەگان، و ئاهەنگ و سویر و پرسەگان، وەبی پابەندیبگ وە هیچ لە مقەیەتیەگان.

بەیاننامەگە ئاماژە کرد ک تیمە چەودیریەگان نووڕستن ک فرەی ئەوانەگ وەرجەیە تووش ڤایڕۆسەگە هاتن، واز لە دەمامەک هاوردن و ژیان سروشتی خوەیان گوزران کەن، و پابەند نیین وە دویرەوکەفتن لای خوەیانەو وەرخودان وەرگردنە ودووارە   تووش نیەتیەن، و دیاریکرد ک هیچ بەڵکەیگ لەوە نیە، بەڵکم  فرە دوویەم تووشهاتن لە دویای چەن هەفتەیگ لە جهان وعراق تۆمار کریاگە، ک هیلێد وەردەوامی لە پابەندی وە ریکارەگان گرنگ بوود ئەرا ئەوانەگ وەرجەوە تووش هاتنە.

بەیاننامەگە ئاماژە کرد ک رەوشەگە رخبەرە و شایین نیگەرانی فرەیگە، وەتایبەت ک ئیمە وەرەو وەرز زمسان  و داوەزین پلەیل گەرمی روی کەیمن، و بوودە زەمینەی هاوکاریگ ئەرا بڵاوبوین ڤایرۆسەیل هەناسە، و ئەوە ک لە جهان ئیسە بوود لە دوویەم شەپۆلەگە ک فرە لەەوڵەتەیل جهان و دەوڵەتە هاوساگان  گردەوەر، جوور ئوردن ک سیستەمە تەندروسیەگان و ئابووریەگانی دەسکردنە خراوبوین لە بەرزەوبوین ژمارەی مردنەگان لەوەر بەرزەوبوین ژمارەی تووشهاتنەگانی ک گشت توانایل تەندروسیەگانی بردن و خەسەخانەگان شەکەت کردن، ک بویە هووکار بەرزەوبوین مردنەگان، و ئەوە هیلێد ژمارە رخبەرەگان لە جهان دەرکەفن، ک دوێەکە ژمارەی تووشهاتنەگان لەجهان رەسیە ٦٤٧٧١٧ تووشهاتن و مردنەگان بوینە ١٠٧٥٨ ، لە بەرزترین ئامار لە وەخت پەتاگە.

related

خاسەوبوینەگان لە عراق سەرکەفن لەبان تووشهاتنەگان کۆڕونا

Date: 2020-10-09 13:27:48
خاسەوبوینەگان لە عراق سەرکەفن لەبان تووشهاتنەگان کۆڕونا

وەزیر تەندروسی: عراق یەکەمە لە رێژەی خاسەوبوینەگان جهان

Date: 2020-10-16 12:48:20
وەزیر تەندروسی: عراق یەکەمە لە رێژەی خاسەوبوینەگان جهان

كەرکوک وەرگری نواگردن کۆڕونا لە دەس دەێد: بڵاوبوین لە ماڵ و کویچەگان

Date: 2020-10-21 12:26:25
كەرکوک وەرگری نواگردن کۆڕونا لە دەس دەێد: بڵاوبوین لە ماڵ و کویچەگان

لە داوەزین ئاشکرایگ.. عراق ٢٥٥٤ تووشهاتن نوو وە ڤایڕۆس کۆڕونا تۆمار کەێد

Date: 2020-10-25 12:30:05
لە داوەزین ئاشکرایگ.. عراق ٢٥٥٤ تووشهاتن نوو وە ڤایڕۆس کۆڕونا تۆمار کەێد

عراق ٧٦ مردن و ٤٣٠٥ تووشهاتن نوو وەکۆڕونا تۆمار کەێد

Date: 2020-09-18 12:25:40
عراق ٧٦ مردن و ٤٣٠٥ تووشهاتن نوو وەکۆڕونا تۆمار کەێد

نرخەیل نەفت دووارە بەرزەوبوین

Date: 2020-09-25 07:00:28
نرخەیل نەفت دووارە بەرزەوبوین