بەلجیکا ئەرا ئاسانکردن کار شاندەگەی سوپاس کوردستان کەێد

Category: هــــه‌واڵ عــیراق

Date: 2021-06-10T12:40:17+0000
بەلجیکا ئەرا ئاسانکردن کار شاندەگەی سوپاس کوردستان کەێد

شەفەق نیوز/  مەسرور بارزانی سەرۆک حکومەت هەرێم کوردستان، ئمڕوو پەنجشەممە، وەگەرد جیگر سەرۆک وەزیران خانمە وەزیر دەرەوەی بەلجیکا کۆبونەوە کرد، ک خانمەگە سوپاس خوەی ئەرا هەرێم کوردستان پێشکەش کرد لەوەر ئاسانکردن کار شاندەیلی لە عراق و سوریا، و ئامادەیی و خوازین خوەی ئەرا بتەوکردن پەیوەندیەیل گشتگیر نشان دا.

سەرۆکایەتی حکومەت هەرێم لە بەیاننامەیگ رەسیە ئاژانس شەفەق نیوز وت: مەسرور بارزانی سەرۆک حکومەت هەرێم کوردستان، ئمڕوو، چەوی کەفتە سوفی وێڵمەز خان جیگر سەرۆک وەزیران وەزیر دەرەوەی بەلجیکا.

و دیاری کرد ک لە چەوپیکەفتنەگە باس گەشەكردن پەیوەندیەیل کریا ک لەناوبەین هەرێم کوردستان و بەلجیکا گردەو کەن، و هەمیش باس دویاترین نووەوەبویەکان لە عراق و ناوچەگە وەگشتی كريا، و پەیوەندیەیل ناوبەین هەرێم کوردستان و حکومەت فیدڕاڵی، و هەڕەشەیل تیرۆر و جەنگ دژوە داعش و توندڕەوەی،و لەناوبردن سیمایل دەرکفتنی، و هەمیش باس لە کارکردن ئەرا بتەوکردن پاڵپشتەیل ئارامی و ئاشتی لەناوچەگە کریا، وەگەرد رووشنایی خستن لەبان باوەتەیلیگ تر ک لەلای هەردوگ لایەنەگە گرنگە.. وەگورەی بەیاننامەگە، سەرۆک حکومەت هەرێم کوردستان سوپاس و ڕێز خوەی ئەرا بەلجیکا و هاوپەیمان ناودەوڵەتی ئاڕاستە کرد ئەرا پشتگیریکردن هەرێم کوردستان لە جەنگ دژوە داعش، و دووپات لەبان گرنگی وەردەوامی بەلجیکا لە هەماهەنگی و هاوکاری وەگەرد عراق و هەرێم کوردستان كرد، و دووپات کریا لە پابەندی هەرێم کوردستان لە بتەوکردن کەلتوور پێکەوەژیان.

جیگر سەرۆک وەزیران خانمە وەزیر دەرەوەی بەلجیکا سوپاس گەرمی ئەرا حکومەت هەرێم کوردستان پێشکەش کرد ئەرا گشت ئەو ئاسانکاریە ک ئەرا شاندەیل تایبەت بەلجیکا لە عراق و سوریا پێشکەش کرد، و باس لە هاوکاری و پشتگیری وڵاتەکەی و خوازینی ئەرا بتەوکردن پەیوەندیەیل گشتگیر وەگەرد هەرێم کوردستان کرد و نواگردن ریگریەیل و سەختیەیل ئەمنی و تیرۆرست وەگشتی.

related