بریتانیا پشتگیری لە رێککەفتن شەنگال کەێد

Category: هــــه‌واڵ عــیراق

Date: 2020-10-14T10:33:46+0000
بریتانیا پشتگیری لە رێککەفتن شەنگال کەێد
شەفەق نیوز/ ستیڤن هیکی باڵوێز بریتانیا لەلای عراق، ئمڕوو چوارشەممە، راگەیان پشتگیری وڵاتەگەی لە رێککەفتن گونجانن رەوشەگان لە شەنگال.
ئەوەیش لە کۆنەوەیەگ هات وەگەرد مەسرور بارزانی سەرۆک هەرێم کوردستان.
بەیاننامەیگ لە حکومەت هەرێم کوردستان وت: لە چەوپیکەفتنەگە باس لە دویاترین نووەوبویەگان لە رەوش عراق وناوچەگە کریا، وهەمیش باس لە شیوەیل بتەوکردن پەیوەندیەگان لەناوبەین هەرێم کوردستان و بریتانیا کریا.
بەیاننامەگە هەمیش وت: جەختکریا لە گرنگی ئارامی عراق، و چارەسەرکردن گرفتە گیرهاتگەگان لەناوبەین حکومەت هەرێم کوردستان و حکومەت فیدڕاڵی لە بنەمای دەستور.
باڵوێز بریتانیا ئاشکرای پشتگیری وڵاتەگەی کرد لە رێککەفتن گونجانن رەوشەگان لە شەنگال جوور گامیگ ئەرا ئەنجام ئارامی ناوچەگە و دووارە ئاوەدانکردنەوەی، ئەرا چگنەوەی ئاوارەگان وەرەو ماڵەیلیان.
هەرلیوا؛ سەرۆک حکومەت رووشنایی خستە بان کارە چاکسازیەگان ک کابینە وەزارەتیەگەی حکومەت هەرێم کوردستان جیوەجیی کەێد، ک لە بنەڕەتیەو ڕەنگاوڕەنگ کردن سەرچەوەیل داهات کەێدە ئامانج و پاڵپشتی پێکهاتەی ئابووری لە هەرێم.

related

یەکەمین دەوڵەت عەرەوی لەبان رێککەفتن شەنگال لێدوان دەێد

Date: 2020-10-10 11:49:10
یەکەمین دەوڵەت عەرەوی لەبان رێککەفتن شەنگال لێدوان دەێد

دەسگیرکردن دوو چەکدار لایەنگر پەکەکە تەقەلای کوشتن خیزانیگ شەمەری لە شەنگال دانە

Date: 2020-10-16 16:30:35
دەسگیرکردن دوو چەکدار لایەنگر پەکەکە تەقەلای کوشتن خیزانیگ شەمەری لە شەنگال دانە