کوڵگە باسیگ لە ژیان خانمە شاژنە ئێلیزابێت دویەم

شەفەق نیوز/ دویەشەو  پەنجشەممە دویا کووچ شازادە ئێلیزابێت لە تەمەن 96 ساڵی راگەینریا، ک ئەرا ماوەی ٧٠ ساڵ و 217 رووژ جویر درویژترین ماوەی پادشایەتی جویر شاژن بەریتانیا لەبان تەخت بوی.

شاژن ئێلیزابێت ناو تەواوی ئێلیزابێت ئەلیکساندەر ماریە، لە ساڵ 1926 لە لەندەن لە خیزانیگ شاهانەی بەریتانیا لە داڵگبویە، ساڵ 1934 وەگەرد شازادەی جینشین یۆنان فلیپ ماونت بەیتن هاوسەرگیری کرد، خاوەن چوار مناڵە.

لە ساڵ 1952 لە دویای کووچ دویایی باوگی پادشا جۆرج بەریتانیا، بویەسە شاژن بەریتانیا، تا ئیسە سێ جار تەقەڵای تیرۆری دریاگە، دیارترینیان ساڵ 1989 بوی ک گەنجیگ شەش گولە وەپی نا، لەماوەی 70 ساڵ حکومرانی کردنی گشت خەڵاتەیل جوبڵی وەپی وەخشریاگە خەڵاتیگە لە دویای 25 ساڵ حکومڕانی دریەێدە پادشایەیل جەهان.

شاژن وە ئەوە ناسریاگ بوی هەر زوی تێکەڵ ژیان سیاسی بویە، لە تەمەن 14 ساڵی لە ئێزگەی BBC یەکەم وتار خوەی خوەنستیە، واتە وەرجە ئەوەگ تاج پاشایەتی بنریەێدە سەری لە ساڵ 1962.

شاژن بەریتانیا لە ماوەی‌ تەمەنی 15 سەرۆک وەزیرەیل ئەرا پێکهاوردن حکومەت بەریتانیا راسپاردیە، ودویاهەمیشیان لیز ترەس بوی ک لە هەفتەی گوزەشتە متمانەی پێکهاوردن حکوومەت نوو بەریتانیا وەپی وەخشریا.

یەکیگ بوی لە سەرکردە ناسریاگ و دەوڵەمەنەیل جەهان وەگورەی ماڵپەر  celebrity net worth، بڕ سەروەت شاژن کووچکردگ بەریتانیا 600 ملیۆن دۆلاری ئەمریکیە، بیجگە لە  سەروەت و سامان ئەندامەیلتر خانەوادەی پاشایەتی.

ئمڕوو جومعە میر چارڵس کوڕ شاژن کووچکردگ کریا پادشای وڵات لەبان تەخت وە تەمەنترین شاژن بەریتانیا دانیشت، لە هەمان وەخت بەریتانیا ئەرا ماوەی 10 رووژ ماتەمین گشتی راگەیان، لە هەفتەی ئایندە لە ریوڕەسمیگ شکۆدار تەرم شاژن نریەێدە خاک.