نووترین ئامار قوربانیەیل کەرت غەزە
2024-04-21T13:21:31+00:00
شەفەق نیوز/ وەزارەت تەندروسی فەڵەستین لە کەرت غەزە، ئمڕوو یەکشەممە، نووترین ئامار کوشیاگەیل جەنگ غەززە بڵاوکرد وەپای ئامارەگە شمارەی کوشیاگەیل 34 هەزار کەس رەدکردیە.
وەپای ئامارەگە، لە پەلامارەگی ئیسرائیل لەماوەی 24 ساعەت وەرین، 48 هاووڵاتی فەلەستین کوشیان و 79 کەسیش زەخمداربوین.
لە سەرەتای جەنگەگەو تا ئیسە شمارەی کوشیاگەیل رەسیە ئەرا 34 هەزار و 97 کەس.
لەوەر جەنگ ناوەین ئیسرائیل و حەماس کە لە رووژ 7 ئۆکتۆبەر 2023 دسوەپیکرد و تا ئیس وەردەوامە، بەشیگ فرە لە شارەسل غەززە ویران بوین و زیاتر لە ملیۆنیگ و
900 هەزار كەسیش لە دانشتگەیل باكوورو ناوەڕاس غەززە، وەرەو ناوچەیل باشوور واین و لەناو چادرگەیل لە دوخیگ سەخت مرۆیی زندگی کەن.
