شمارەی قوربانیەیل غەزە پەنج هەزار کەس رەدکرد
2023-10-23T12:00:50+00:00
شەفەق نیوز/ وەزارەت تەندروسی سەر وە بزوتنەوەی حەماس، ئمڕوو دووشەممە، راگەیان ئامار کوشیاگەیل غەزە لە ئەنجام پەلامارەیل ئیسرائیلی لەسەرەتای جەنگەگە تا ئیسە رەسیەس ئەرا زیاتر لە پەنج هەزار کەس.
وەپای خەوەریگ لە "سکای نیوز عەرەبی"، وەزارەتەگە لە بەیاننامەی کولیگ لەبان زوان قسەکەر ئەشرەف قودرە راگەیان، " بڕ قووربانیەیل دەس دوژمنەیل ئیسرائیلی لە سەرەتای جەنگەگە تا ئیسە رەسیەس ئەرا 5078 قوربانی کە 2055 مناڵ هاناوی"، دیاریکرد 15,273 کەس تویش زەخمداری بویە.
