سعودیە قەیەغەی کارکردن لەژیر خوەر کەێد

شەفەق نيوز/ وەزارەت سامانەیل مرۆیی و ئەوزەڵکردن کۆمەڵایەتی سعودی، ئمڕوو دووشەممە، دەسکردن وە جیوەجیکردن بڕیار قەیەغەی کارکردن لەژیر تیشک خوەر لە 15ی حوزەیران 2025ەو راگەیان، ئەوەیش وە هاوکاری وەرد ئەنجومەن نیشتمانی بیوەیی و تەندروسی پیشەیی لە شانشینەگە.

وەزارەتەگە دووپات کرد کە بڕیارەگە گشت دامەزراوەیل کەرت تایبەت لە رووژ یەکشەممەی 15ی حوزەیران 202 تا رووژ یەکشەممە ‎15‏ی ئەیلوول 2025 لە ساعەت 12ی نیمەڕو تا ساعەت 3ی ئیوارە گرێدەو.

دیاری کرد کە ئی بڕیارە لە چوارچیوەی مقیەتیکردن بیوەیی و تەندروسی کراکارەیل تیەێد و دویرخستنیان لەوەگ هاتێ رخداری تەندروسی ئەرایان داشتوود، و دابینکردن ژینگەی کاریگ تەندروس و بیوەی وەگورەی پەیمانەیلی جیهانی ئەرا بیوەیی و تەندروسی پیشەیی.

 وەزارەتەگە داوا لە خاوەن کارەیل کید گرنگە ساعەتەیل کارکردن رێکبخەن، و چەودیاریکردن ئی بڕیارە بکەن، ئەرا دەسمیەتیدان لە دابینکردن ژینگەی کار بیوەییگ لە رخەیل جیاجیار و بەرزکردن ئاست توانا و ئامرزەیل مقیەتیکردن ئەرا سنووردارکردن تویشهاتن و بیماریەیل پیشەیی لە ئەنجام مەنین لەوەر خوەر، کە وەخاسی ئەرا زیایبوین بەرهەم تیەێدەو.

وەزارەتەگە لەبان سایت ئەلیکترۆنی خوەیەبەڵکەی ریکارەیل بیوەیی و تەندروسی پیشەیی ئەرا مقیەتیبوین لە کاریگەرییەیل مەنین لە ژیر خوەر و شەکەتی گەرما و رینمایی ئەرا مقیەتیبوین لە کاریگەرییەیل کارکردن لە شوینە گەرمەیل بڵاو کرد، تا خاوەن دامەزراوەیل بنووڕنەی و بتوانن جیوەجیی بکەن.